Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

უამინდობა დანიელი: ჩვენებები კარდიცადან – “სოფელი აღარ არის, მხოლოდ ზღვაა”

უკიდურესად კრიტიკულ საათებს გადიან მთლიანად წყალში ჩაძირული კარდიცას სოფლების მაცხოვრებლები. განსაკუთრებით პალამას კარდიცაში, სადაც 5000 მოსახლეა, მოქალაქეები სახლების სახურავებზე რჩებიან გამომწყვდეულები, რადგან წყალი ზოგიერთ ადგილას 3 მეტრს აჭარბებს და მისი დონე თანდათან მატულობს.

მოსახლეობა უიმედოდ ითხოვს დახმარებას როგორც ადგილზე, ისე ჰაერიდან. უახლესი ინფორმაციის თანახმად, ნავები და ვერტმფრენები უკვე გაიგზავნა მათი ევაკუაციისთვის.

ქუჩებში წყლის დონე 3 მეტრს აღწევს, ხოლო როგორც ადგილობრივები სატელეფონო საუბრისას აღწერენ, მომწყვდეულები არიან სახლებში, სადაც წყლის დონე შიგნით ერთ მეტრს აჭარბებს და როგორც ამბობენ, მალე მობილური ტელეფონებითაც შეუძლებელი იქნება მათთან დაკავშირება.

იმავე მძიმე მდგომარეობაში არიან პალამასის მაცხოვრებლები,  წვიმის შედეგად შექმნილი მდგომარეობა ფაქტიურად შემზარავია: „გაქრა აივნები და სახურავები, წყალმა სახურავებამდე მიაღწია, სოფელი არ არის, მხოლოდ ზღვაა“. უფრო მეტად შეშფოთებას იწვევს ის ფაქტი, რომ წყლის დონე მუდმივად მატულობს, რის შედეგადაც არავინ გრძნობს თავს სრულიად უსაფრთხოდ.

სიტუაციის კრიტიკულობის მიუხედავად, დღეს 12 საათამდე მოსახლეობას დახმარება არ მიუღია. შემაშფოთებელია მოხუცების ბედი, რომლებიც სოფლებში მარტო ცხოვრობენ და მათი დახმარება არავის შეუძლია.

ანალოგიურად, კრიტიკული მდგომარეობაა სოფლებში ვლოხოსსა და მეტამორფოსში.

მერმა, გიორგი საკელარიუმ მედიასთან საუბრისას აღწერა პალამაში გაბატონებული კოშმარული სცენა: „სიტუაცია ტრაგიკულია. დატბორილია მთელი სოფელი და წყალმა 1,5 მეტრს მიაღწია.” როგორც ის აცხადებს, ამ დრომდე სოფელში დახმარება არ მისულა: „ჩვენ უმწეოები ვართ, მარტონი, ასობით ადამიანი საკუთარ სახლებშია ჩაკეტილი”.

კრიტიკული სიტუაციიდან გამომდინარე მან მიმართა EMAK-ს სასწრაფოდ დახმარებისთვის. „ახლა მოდიან, მაგრამ არ ვიცი, როგორ შეძლებენ სოფელში შემოსვლას“-ამბობს ის

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *