ათენი: ჩემოდანში ახალგაზრდა ქალის ცხედარი იპოვეს
ათენი: ჩემოდანში ახალგაზრდა ქალის ცხედარი იპოვეს
ათენში, კერძოდ ალკამენუსისა და ხარისის ქუჩების კვეთაზე, ტროტუარზე დატოვებულ ჩემოდანში ახალგაზრდა ქალის ცხედარი აღმოაჩინეს. შემთხვევის გარემოებების დასადგენად საბერძნეთის პოლიცია ინტენსიურ საგამოძიებო მოქმედებებს ატარებს.
პირველადი ინფორმაციით, გარდაცვლილი აფრიკული წარმოშობის ახალგაზრდა ქალია. მის სხეულს გარეგნულად ძალადობის ან დაზიანების აშკარა კვალი არ აღენიშნება. ცხედრის მდგომარეობიდან გამომდინარე ვარაუდობენ, რომ ქალი დაახლოებით ხუთი დღის ან ერთი კვირის წინ გარდაიცვალა.
ამ დროისთვის სიკვდილის ზუსტი მიზეზი უცნობია. გამომძიებლები სხვადასხვა ვერსიას განიხილავენ, მათ შორის მკვლელობისა და ნარკოტიკული ან სხვა ნივთიერებების მოხმარების შესაძლებლობას.
ჩემოდანი თავდაპირველად ერთ-ერთმა უცხო ქვეყნის მოქალაქემ შენიშნა, რომელსაც მისგან ძლიერი უსიამოვნო სუნი იგრძნო. მან პოლიციას შეატყობინა.
სამართალდამცველები ალკამენუსისა და ხარისის ქუჩების კვეთაზე მივიდნენ. ჩემოდნის შემოწმებისას კი ადამიანის ცხედარი აღმოაჩინეს.
საქმეზე დამატებითი დეტალები ორშაბათს, 9 ნოემბერს დაგეგმილი სასამართლო-სამედიცინო ექსპერტიზის შემდეგ გახდება ცნობილი.
