ათენში გაუჩერებლად წვიმს – დატბორილია სანაპირო ზოლი

ათენში გაუჩერებლად წვიმს – დატბორილია სანაპირო ზოლი

მაშინ როცა საბერძნეთის ჩრდილოეთ ნაწილი თოვლით იფარება, დედაქალაქში შეუჩერებლად წვიმს. ძლიერი წვიმის შედეგად, რომელიც ორშაბათს გამთენიისას დაიწყო, დატბორილია ქუჩები, რაც გადაადგილების დიდ შეფერხებას და ხანგრძლივ საცობებს იწვევს.

გამომდინარე იქიდან, რომ წვიმის შედეგად დაგროვილი წყლის გადინება არსად არ ხდება საკმაოდ გართულებულია გადაადგილება პოსიდონოს გამზირზე, პირეასკენ მიმავალ ნაკადში.
კილომეტრიანი საცობებია კიფისოს გამზირზეც, სადაც ავტომანქანებს უძრავ მდგომარეობაში უწევთ ყოფნა.
გადაწითლებულია კიფისიას გამზირის უმეტესი ნაწილიც და საცობებია როგორც ათენის ცენტრში, ასევე გარეუბნებშიც.