ალექსანდრუპოლი: თაღლითობის მსხვერპლი ამანათით ძვირფასეულობას ელოდა და 95 000 ევრო დაკარგა
63 წლის ქალმა ალექსანდრუპოლიდან 90 000 ევროზე მეტი დაკარგა ამანათის მიღების მოლოდინში, რომელშიც ოქროს ზოდები, ზურმუხტები და სხვა ძვირფასეულობა იქნებოდა.
წარმოუდგენელი თაღლითობის შესახებ ქალმა პოლიციას ოთხშაბათს ღამით (13/9) შეატყობინა. გავრცელებული ცნობით, ყველაფერი მოხდა 2023 წლის მაისიდან ივლისის ჩათვლით, როდესაც მას უცხო პირები დაუკავშირდნენ და დაარწმუნეს, რომ თუ მათ გადაუხდიდა თანხას, მიიღებდა ამანათს ოქროთი, ზურმუხტებით და ა.შ.
რაც არ უნდა საოცარი იყოს, ქალმა დაიჯერა, რომ ის მიიღებს “ოქროს” პაკეტს, თუ გადაგზავნის თანხას მითითებულ ანგარიშებზე და მოახდინა 4 ფულადი გადარიცხვის გაკეთება, ჯამში სულ გადარიცხა 95000 ევრო!
საბოლოოდ, მის მიერ შეტანილი საჩივრის შემდეგ პოლიციის მიერ ჩატარდა სპეციალური ოპერაცია და დააკავეს 50 წლის ნიგერიელი და 51 წლის კამერუნელი მამაკაცი.
ერთი მათგანი მის მიერ მითითებული ანგარიშიდან თანხის აღების დროს დააკავეს, ხოლო მეორე კი ევროსის ავტობუსების სადგურში, როდესაც სალონიკში გამგზავრებას აპირებდა.
