ალივერი: სმენასთან დაკავშირებული პრობლემები აქვს 12 წლის გოგონა მშობლებისგან გამუდმებული ფიზიკური ძალადობის შედეგად

ალივერი: სმენასთან დაკავშირებული პრობლემები აქვს 12 წლის გოგონა მშობლებისგან გამუდმებული ფიზიკური ძალადობის შედეგად

მშობლებისგან შვილებზე ძალადობის უამრავი ფაქტი ვლინდება ბოლო პერიოდში საბერძნეთში და სამწუხაროდ ყოველი ახალი ისტორია ძველზე უფრო შემზარავად ჟღერს.

ბავშვთა დაცვის ორგანიზაციის, ბავშვის ღიმილის “Χαμόγελου του Παιδιού”-ს პრეზიდენტმა კოსტას იანოპულოსმა ისაუბრა 12 წლის გოგონას ქეისზე ალივერიდან, რომელზეც მშობლები გამუდმებით ძალადობდნენ. დარტყმების შედეგად თავის არეში კი გოგონას სმენის პრობლემები დარჩა.

ტელემაუწყებელ ΑΝΤ1-ზე კოსტას იანოპულოსმა განაცხადა: “სხვა ბავშვების მშობლებისგან შემთხვევით გავიგეთ, რომ 12 წლის გოგონაზე მისივე მშობლები ფიზიკურად ძალადობდნენ. დედამისი აიძულებდა ემუშავა, ყურადღება მიექცია მისი 2 უმცროსი დედმამიშვილისთვის და თუ ჩათვლიდა, რომ საქმეს კარგად ვერ ართმევდა თავს ურტყამდა. ჩვენ დაუყოვნებლივ ვაცნობეთ ამ შემზარავი ფაქტის შესახებ ხალკიდას პროკურორს, რომელმაც ავტომატურად საქმის კურსში ჩააყენა ოჯახური ძალადობის აღმოფხვრის დეპარტამენტი.”