ამალიადაში ხანძრის ჩაქრობისას მეხანძრეებმა ადამიანის ძვლები იპოვეს
ამალიადაში ხანძრის ჩაქრობისას მეხანძრეებმა ადამიანის ძვლები იპოვეს
ორშაბათს ღამით, ამალიადაში, კრინეიკას ტერიტორიაზე გაჩენილი ხანძრის ჩაქრობის მცდელობისას მეხანძრეები შემზარავი სანახაობის მომსწრენი გახდნენ.
პოლიციის მიერ გავრცელებული ინფორმაციის თანახმად მეხანძრეებმა გზისპირად ადამიანის ძვლები აღმოაჩინეს.
სახანძრო სამსახურის თანამშრომლებმა დაუყოვნებლივ აცნობეს ილიდას უსაფრთხოების დეპარტამენტს და კრიმინალური გამოძიების სამსახურს აღნიშნული ფაქტის შესახებ.
პოლიციის თანამშრომლებმა შეაგროვეს ძვლები, რომლებსაც დღის განმავლობაში გადაგზავნიან პატრაში სასამართლო-სამედიცინო ექსპერტიზის ჩასატარებლად, ხოლო საჭიროების შემთხვევაში გადაგზავნიან ათენშიც, დამატებითი ანალიზების ჩასატარებლად.
უნდა აღინიშნოს, რომ ნაპოვნ ძვლებს არანაირი კავშირი არ აქვთ ხანძართან, რადგან არავის უცნობებია სამართალდამცავი ორგანოებისთვის რომ ტერიტორიის რომელიმე მაცხოვრებელი გაუჩინარდა.
