Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
ორშაბათი, ნოემბერი 16, 2026
Uncategorizedსაბერძნეთი

ამალიადა: რა კარვშირი აქვს 24 წლის ირინის 4 ჩვილის გარდაცვალებასთან

ამალიადა: რა კარვშირი აქვს 24 წლის ირინის 4 ჩვილის გარდაცვალებასთან

მაშინ როდესაც სამართალდამცავი ორგანოები ცდილობენ დაადგინონ თუ რა იყო 4 ჩვილი ბავშვის მოულოდნელი გარდაცვალების მიზეზი, 24 წლის ირინი, რომელიც ოთხივე ჩვილის გარდაცვალების შემსწრე გახდა ტელემაუწყებელ MEGA-სთან საუბრისას მომხდარის დეტალებს იხსენებს.

2021 წლის 4 თებერვალს, იმ დროისთვის 21 წლის ირინი მისი მეგობრის შვილს უვლიდა, როდესაც დააფიქსირა, რომ პატარა მძიმედ სუნთქავდა. 

“არ აღუნიშნავს რომ სუნთქვის პრობლემა ჰქონდა ჩემს პატარას და ამოსუნთქვა ვერ შეძლო.” – განაცხადა 6 თვის ჩვილის დედამ Mega-სთან საუბრისას.

ირინი თავის მხრივ ირწმუნება, რომ ბავშვს ჯანმრთელობის პრობლემა ჰქონდა და იმ პერიოდში მკურნალობას გადიოდა. 

“მის შვილს ეპილეფსია ჰქონა. გარკვეული სახის მკურნალობასაც გადიოდა სახლში. დედამისს გუშინაც ველაპარაკე და თვითონაც არ იცის რა მოხდა.” – განაცხადა ირინიმ.

თუმცა ჩვილის დედა აცხადებს, რომ მხოლოდ ირინი იყო იმ ღამით ბავშვთან ერთად სახლში მარტო. 

ექიმებმა იმ ტრაგიკულ ღამეს დედას უთხრეს, რომ მაშინ, როცა ჩვილი საავადმყოფოში მიიყვანეს უკვე გარდაცვლილი იყო.

მეორე ჩვილის გარდაცვალების შემთხვევა 2022 წლის 19 ივნისს დაფიქსირდა, როდესაც ირინი პირველად გახდა დედა. ამჯერად მისი 19 დღის ბავშვი გარდაიცვალა მოულოდნელად აკვანში.

“არ ვიცი რა მოხდა იმ ღამეს. დედაჩემმა მითხრა რომ სასწრაფოში დამერეკა. მაგრამ სანამ საავადმყოფომდე მივედით ბავშვი უკვე გარდაცვლილი იყო.” – განაცხადა ირინიმ.

ამ შემთხვევაში ჩვილის გარდაცვალების მიზეზად ფილტვების ანთება დასახელდა.

მესამე ჩვილის გარდაცვალების შემთხვევა, ისევ ირინის თანდასწრებით, 2023 წლის 17 ოქტომბერს დაფიქსირდა. ირინი უკვე მეორე შვილს კარგავს. ჩვილი დაბადებიდან 2 თვის შემდეგ გარდაიცვალა. შოკირებული დედა აცხადებს, რომ პირველი შვილისგან განსხვავებით მეორე სრულიად ჯანმრთელი იყო თუმცა 2023 წლის სექტემბერში ეპილეფსიის სიმპტომების გამოვლენა დაიწყო: “კლინიკიდან პატრაში გადაგვამისამართეს. ჩემი შვილი საავადმყოფოში განათავსეს და შემძლო ყოველ მეორე დღეს მივსულიყავი და მენახა. ექიმები ვერანაირ პრობლემას ვერ ხედავდნენ, რამდენი ანალიზიც არ უნდა გაეკეთებინათ. ბოლოს ათენში გადმოვედით. საავადმყოფოში თითქმის 1 თვე მოგვიწია გაჩერება. სადაც 2023 წლის 17 ოქტომბერს პატარას გული გაუჩერდა. სანამ კარამდე მივედი მისი გული უკვე გაჩერებული იყო. ” – იხსენებს ირინი. 

მას შემდეგ, რაც ირინის მეორე შვილი გარდაიცვალა საქმეში პროკურორიც ჩაერთო. პროკურორის ბრძანებით ჩატარდა გენეტიკური ტესტირება და ექიმების დასკვნით მეორე ბავშვის გარდაცვალება ეპილეფსიას დაუკავშირდა. 

მეოთხე ჩვილი 2024 წლის 5 აგვისტოს ისევ ირინის თანდასწრებით გარდაიცვალა. ამჯერად ირინი სახლში ბავშვთან და ჩვილის დედასთან ერთად იმყოფებოდა. ირინი და ჩვილის დედა პატარა პანაიოტის ეთამაშებოდნენ, როდესაც ბავშვს სუნთქვის პრობლემები დაეწყო. 

“მე ბავშვთან ერთად დავრჩი ოთახში, ხოლო კალიოპი მეორე ოთახში გავიდა რაღაცის მოსატანად.” – იხსენებს ირინი.
“როდესაც მეორე ოთახიდან დავბრუნდი დავინახე, რომ ბავშვს სუნთქვა უჭირდა. თავის სავარძელში იჯდა. სულ სამი წუთი დამჭირდა მეორე ოთახში გასასვლელად და დასაბრუნებლად. ხელში ავიყვანე, ჩავიხუტე, ვფიქრობდი რა შემეძლო გამეკეთებინა რომ თავი უკეთ ეგრძნო. ჩემი მეგობარიც იქ იყო და გამომართვა ხელიდან რომ დახმარებოდა.” განაცხადა პანაიოტის დედამ. 

“ბავშვი ხელიდან გამოვართვი, დავაწვინე და ვეცადე ხელოვნური სუნთქვა ჩამეტარებინა” – იხსენებს ირინი.

ირინი და მისი მეგობარი ამტკიცებენ, რომ როდესაც ბავშვი მანქანით საავადმყოფოში მიიყვანეს ჯერ კიდევ ცოცხალი იყო. თუმცა ექიმები აცხადებენ რომ ჩვილი 30 წუთის გარდაცვლილი მაინც იყო მაშინ, როცა საავადმყოფოში მიიყვანეს. 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *