ამინდის დრამატული ცვლილება საბერძნეთის ტერიტორიაზე – წვიმა, შტორმი და ქარიშხალი

ამინდის დრამატული ცვლილება საბერძნეთის ტერიტორიაზე – წვიმა, შტორმი და ქარიშხალი

ხანგრძლივი სიცხის ტალღის შემდეგ საბერძნეთში ამინდი რადიკალურად შეიცვლება. ქვეყნის უმეტეს ნაწილში ამიინდი გაუარესდება და მოსახლეობა უნდა ელოდოს ძლიერ წვიმას, ქარიშხალსა და შტორმს. 

ეროვნული მეტეოროლოგიური სამსახურის განცხადების თანახმად, რომელმაც საგანგებო შეტყობინება გაავრცელა ამინდის გაუარესებასთან დაკავშირებით, სეტყვა იქნება უამინდობის ძირითადი დამახასიათებელი ფენომენი.

ამინდი საბერძნეთში დღეიდან, 3 ივლისიდან გაუარესდება. შუადღის საათებიდან ადგილობრივი შტორმი დაფიქსირდება მაკედონიასა და თრაკში.

ქვეყნის სხვა მთიან ნაწილში ქარიშხალსა და შტორმს უნდა ველოდოთ ხუთშაბათს, ხოლო ქვეყნის ცენტრალურ ნაწილში კი ტემპერატურა 33 გრადუსამდე დაიწევს. 

მკვეთრი ცვლილება დაფიქსირდება დედაქალაქშიც, სადაც მიუხედავად იმისა რომ დიდი რაოდენობით ნალექი არ ფიქსირდება, მოსალოდნელი იქნება წვიმა და ჭექაქუხილი.