საბერძნეთი: ისრაელის საელჩოს წინ პალესტინის მხარდამჭერთა მიტინგი გაიმართა-კიფისიის გამზირი გადაკეტილია

საბერძნეთის კომუნისტური პარტიის მიერ, ათენში, ისრაელის საელჩოს წინ საღამოს 21:30 საათზე პალესტინის მხადამჭერთა აქცია გაიმართა, რომელზეც ცრემლსადენი გაზი იქნა გამოყენებული. შემთხვევის ადგილზე ათასობით დემონსტრანტი შეიკრიბა, რომლებმაც მხარდაჭერა გამოუცხადეს პალესტინელ ხალხს. აქციის მონაწილეები რჩებიან ტერიტორიაზე და სკანდირებენ ლოზუნგებს პალესტინის თავისუფლებისთვის.

აღნიშნული საპროტესტო მსვლელობის გამო, ისრაელის საელჩოსთან კიფისიის გამზირი დაკეტილია ორივე მიმართულებით კატეხაკის სიმაღლეზე.

აქციის მონაწილეები სინდაგმას მოედანზე დღის მეორე ნახევარში შეიკრიბნენ და იქიდან ისრაელის საელჩოსკენ მსვლელობა დაიწყეს. პოლიციის წყაროების ცნობით, აქციაში დაახლოებით 10 000 ადამიანი მონაწილეობს.

KKE-ის გენერალურმა მდივანმა, დიმიტრი კუცუბასმა ათენის ცენტრში გამართული მსვლელობისას პალესტინის ტრადიციული შარფი „კაფიგია“ მიიღო. კუცუბას თან ახლდნენ პალესტინის ელჩი იუსეფ დორჰომი და პარტიის დეპუტატი თანასის პაფილისი.

ბ-ნმა დორჰომმა სინდაგმას მოედნიდან მიმართა ღაზას მოსახლეობას და ხაზგასმით აღნიშნა, რომ მათი ყოველი ნაბიჯი ღირსების და გმირობის გაკვეთილია. ამასთან, მან განსაკუთრებული ყურადღება გაამახვილა დიასპორის პალესტინელებზე, რომლებიც სამშობლოში დაბრუნდებიან.

„ჩვენი კომპასი, როგორც ყოველთვის იყო და იქნება იერუსალიმი, პალესტინელი ხალხისა და პალესტინის სახელმწიფოს მარადიული დედაქალაქი.”-თქვა მან.

აქციის მონაწილეთა მობილიზაციამ ათენის ცენტრალურ ქუჩებში საგზაო ქაოსი გამოიწვია. სინდაგმასთან შეკრების გამო პოლიციამ შეაჩერა ავტოტრანსპორტის მოძრაობა ამალიას გამზირზე დიაკუს ქუჩის სიმაღლიდან, ვასილისის სოფიას გამზირზე ჰილტონის სიმაღლიდან და სტადიუს ქუჩაზე.

ვიდეო: