ამინდი: უჩვეულოდ თბილი ოქტომბერი – რას ამბობენ ექსპერტები

ოქტომბრისთვის უჩვეულოდ თბილმა ამინდმა გასული სამი დღის განმავლობაში ხალხს იდეალური შესაძლებლობა მისცა გასულიყვნენ ურბანული ცენტრებიდან მოშორებით ან სულაც პლაჟებზე ოქტომბრის ბოლო დღეების  მზით დასატკბობად.

ტემპერატურა სეზონისთვის უჩვეულოდ მაღალ დონეზე რჩება, ექსპერტები აღნიშნავენ, რომ წლევანდელი ოქტომბერი შესაძლოა ერთ-ერთი ყველაზე თბილი იყოს, თუ არა ყველაზე თბილი.

როგორც ათენის ეროვნული ობსერვატორიის მეტეოროლოგი და კვლევითი დირექტორი კოსტას ლაგუვარდოსი აღნიშნავს, მონაცემებით, რომლებიც შეგროვდება მომდევნო 1-2 დღის განმავლობაში, შესაძლებელი იქნება დადგინდეს, არის თუ არა ეს მართლაც ოქტომბრის თვის ყველაზე მაღალი ტემპერატურა ბოლო წლების განმავლობაში.

თუმცა, ბატონი ლაგუვარდოსის თქმით, წლევანდელი ოქტომბერი მშრალი თვე იყო, სეზონისთვის დამახასიათებელი წვიმების გარეშე. თუმცა, როგორც ჩანს, კვირის ბოლოს ყველაფერი იცვლება.

მეტეოროლოგი გიორგოს ცარტაფილიასი აღნიშნავს, რომ ხუთშაბათს, 2 ნოემბრიდან  ამინდი იცვლილება ტემპერატურის ვარდნით და შაბათ-კვირას მოსალოდნელია წვიმა. სიცხის ხანგრძლივმა პერიოდმა შესაძლოა უხვი ნალექი მოიტანოს, თუმცა ის ხაზგასმით აღნიშნავს, რომ ჯერ ნაადრევია, ექსპერტებმა გააკეთონ ზუსტი პროგნოზი, იქნება თუ არა ნალექი ძლიერი.

ორივე მეცნიერი ადასტურებს, რომ სეზონისთვის უჩვეულო სიცხე კლიმატის კრიზისით არის გამოწვეული.