არასრულწლოვანთათვის ალკოჰოლის მიყიდვა ეპიდემიად იქცა
არასრულწლოვანთათვის ალკოჰოლის მიყიდვა ეპიდემიად იქცა
დრამატულია ათენის საავადმყოფოებიდან გავრცელებული სტატისტიკა, რომელიც უკვე 350 არასრულწლოვანს ითვლის, რომლებიც სამედიცინო დახმარების აღმოსაჩენად საავადმყოფოებში მძიმე ალკოჰოლური ინტოქსიკაციით მიიყვანეს.
იმისთვის, რომ წერტილი დაესვას მსგავს ინციდენტებს საბერძნეთის ტერიტორიაზე, მთავრობა გაამკაცრებს კანონს არასრულწლოვნებისთვის ალკოჰოლის მიყიდვასთან დაკავშირებით. საყოველთაო ჯანდაცვის დაგეგმარების ერთ-ერთი ნაწილი იქნება ასევე ღია სივრცეებში მოწევის აკრძალვაც. შეგახსენებთ, რომ საბერძნეთის ტერიტორიაზე დახურულ სივრცეებში მოწევა უკვე წლებია აკრძალულია. აღნიშნული სამომავლო კანონმდებლობის მიზანია სხვა ევროპული ქვეყნების ცხოვრების სტილსა და საკანონმდებლო სფეროებთან თანხვედრაში მოსვლა, სადაც უკვე აკრძალულია მოწევა ღია სივრცეებშიც.
იუსტიციის, სამოქალაქო დაცვის, ჯანდაცვისა და შინაგან საქმეთა სამინისტროები იზრუნებენ არასრულწლოვანთათვის ალკოჰოლის მიყიდვის აღმოსაფხვრელად საკანონმდევლო ჩარჩოების გამკაცრებაზე. რამდენადაც ცნობილი გახდა პოლიციას უფლება ექნება შემოწმებები ჩაატაროს ღამის კლუბებსა და ბარებში და დალუქოს ზემოთ ხსენებულბი, იმ შემთხვევაში თუ დააფიქსირდება კანონდარღვევა.
სამი ახალი ციფრული ინსტრუმენტი წარადგინეს 19 ნოემბერს ჯანდაცვის მინისტრმა ადონის ღეორღიადისმა ციფრული სამინისტროს მინისტრთან, დიმიტრის პაპასტერღიუსთან ერთად. აღნიშნული ინსტრუმენტები მიზნად ისახავს არასრულწლოვნებისთვის ალკოჰოლისა და თამბაქოს ნაწარმის მიყიდვის აკრძალვის ძალისხმევის გაძლიერებას.
“საუბარი გვაქვს 3 სამინისტროს თანამშრომლობის შედეგად შემუშავებულ კანონზე, რომელიც პირდაპირ კრძალავს არასრულწლოვნებისთვის როგორც ალკოჰოლური ნივთიერებების, ასევე თამბაქოს მიყიდვას. ციფრული სამინისტრო მოგვაწოდებს ინსტრუმენტებს, რომლებიც დაეხმარება საზოგადოებრივი წესრიგის სამინისტროს განახორციელოს სრულფასოვანი კონტროლი.” – განაცხადა ადონის ღეორღიადისმა.
