Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

ამალია ნიკოლოპულუს გაუჩინარების საქმესთან დაკავშირებით ახალი დეტალები ვრცელდება

ამალია ნიკოლოპულუს გაუჩინარების საქმესთან დაკავშირებით ახალი დეტალები ვრცელდება

ამალია ნიკოლოპულუ 2021 წლის 13 ოქტომბერს გაუჩინარდა. 4 წლიანი უშედეგო ძებნის შემდეგ მისმა ოჯახმა ანონიმური წერილი მიიღო, რომლის წაკითხვის შემდეგაც გაუჩინარებული ქალის ცხედარი რევმატია მელიღალას გამოქვაბულში 5 მეტრის სიღრმეში ჩაგდებული იპოვეს.

75 წლის ქალის ცხედრის პოვნის შემდეგ სამართალდამცავმა ორგანოებმა აქტიურად დაიწყეს გამოძიების წარმოება, რათა დადგინდეს ქალის გაუჩინარების გარემოებები. გამომდინარე იქიდან, რომ ადგილი, სადაც ამალია ნიკოლოპულუს ცხედარი იპოვეს საკმაოდ გაუვალია, საჭიროებს მრავალსაათიან საგამოძიებო სამუშაოებს.

ოჯახმა ანონიმური წერილი მას შემდეგ მიიღო, რაც ქალის გაუჩინარების ამბავი ტელეგადაცემა “Φως στο Τούνελ”-ში გავიდა. გადაცემაში იმ ადამიანმა დარეკა, ვინც ამ ადგილს კარგად იცნობს და განაცხადა, რომ აღნიშნულ ტერიტორიაზე იპოვა ძვლები, რომელიც ძალიან ჰგავს ადამიანისას. აღნიშნული ინფორმაცია ტელემაუწყებელმა პოლიციას გადასცა, რის შედეგადაც ექსპერტიზაზე გადატანილ იქნა ცხედარი და დადგინდა, რომ ძვლები სწორედ გაუჩინარებულ ამალია ნიკოლოპულუს ეკუთვნოდა. 

გამომდინარე იქიდან, რომ ადგილი სადაც ცხედარი იპოვეს გამოცდილი მთამსვლელებისთვისაც კი მიუვალია ჩნდება კითხვა, თუ როგორ მივიდა დამოუკიდებლად ხანშიშესული ქალი აღნიშნულ ტერიტორიაზე. 

აღსანიშნავია ის ფაქტი, რომ ქალის ტანსაცმელი მისი გაუჩინარებიდან 3 თვის თავზე იპოვეს დაკეცილი სახლიდან 500 მეტრში, ხოლო მისი ჩანთა კი 3 წლის შემდეგ სახლის ეზოში.

ცხედარს პერანგი, მწვანე ზედა, ჟაკეტი და ერთი ფეხსაცმელი ეცვა. ასევე თან ჰქონდა წინდაში გახვეული თანხა. 

ექსპერტიზის შედეგად დადგინდა, რომ ცხედრის დაშლა სწორედ იმ ადგილას მოხდა სადაც ის იპოვეს. აღნიშნული არ გამორიცხავს იმას, რომ ქალი შეიძლება მოეკლათ სხვა ადგილას და სიკვდილის შემდეგ მისი ცხედარი გადაეტანათ გამოქვაბულში. 

ერთადერთი მოტეხილობა, რომელიც ქალის ძვლებზე შეინიშნება არის მარჯვენა ხელის ძვლის არეში. ექიმი, რომელმაც ექსპერტიზა ჩაატარა აცხადებს, რომ 5 მეტრის სიმაღლეზე ბუნებრივად ვარდნის შემთხვევაში ძვლებზე უნდა ყოფილიყო მრავალგზის მოტეხილობები. მათი არ არსებობა კი აჩენს იმის ეჭვს, რომ ქალი სპეციალურად ჩაიყვანეს და დატოვეს გამოქვაბულის მიუვალ ნაწილში. 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *