აფეთქება პირეაზე და შემთხვევით გადარჩენილი მოსახლეობა
აფეთქება პირეაზე და შემთხვევით გადარჩენილი მოსახლეობა
პირეა: აფეთქების თვითმხოლველთა ჩვენებები შოკისმომგვრელია. საბერძნეთის პოლიცია მაფიოზურ და კრიმინალურ დაჯგუფებებთან გამკლავებას ცდილობს.
პარასკევს, დილით, პირეაზე, ბენზინის გასამართ სადგურზე აფეთქება მოხდა. აფეთქების ადგილზე მყოფი მოსახლეობა, შემთხვევით გადაურჩა სიკვდილს.
ინციდენტს საბერძნეთის პოლიცია სერიოზულად პრობლემად აღიქვამს, რადგანაც, საბერძნეთში, მაფიოზური და კრიმინალური დაჯგუფებების მიერ, სასიკვდილო კონტრაქტებსა და სერიოზულ მკვლელობებს დასასრული არ უჩანს.
“საბედნიეროდ, მე ცოცხალი ვარ” – აცხადებს ერთერთი მძღოლი, რომელიც შემთხვევით აღმოჩნდა ბენზინის გასამართ სადგურზე, სადაც აფეთქება მოხდა. შესაბამისად, სასწაულებრივად გადარჩნენ ბენზინის გასამართი სადგურის თანამშრომლებიც, რომლებიც მომხდარის თვითმხილველები გახდნენ.
„ბენზინგასამართ სადგურზე მივედი, რომ ტეპოზიტი შემევსო. როგორც კი ავტომობილი დავძარი, მძლავრი აფეთქების ფანჯრების მსხვრევის ხმა გავიგე. მანქანიდან გადმოვედი და დავინახე, რომ ირგვლივ ყველაფერი გაშავდა… საბედნიეროდ, მე ცოცხალი გადავრჩი! შოკირებულმა, ვერ გავარჩიე ჩემს სიახლოვეს თუ კიდევ ვინმე იმყოფებოდა“ – ამბობს თვითმხილველი, რომელიც აფეთქების ადგილიდან სულ რამოდენიმე მეტრის დაშორებით იმყოფებოდა.
მომხდარით შეშფოთებულია ადგილობრივი მოსახლეობაც.
ომირიდუს ქუჩაზე აფეთქება იმდენად მძლავრი გახლდათ, რომ მისმა ხმამ პალეო ფალირომდე მიაღწია, თუმცა საბედნიეროდ არავინ დაშავებულა.
პერიმეტრი პოლიციის ძალებმა შემოფარგლეს და მიმდებარე ქუჩებზე მანქანების მოძრაობა ამ დრომდე შეჩერებულია.
ვინ დგას თავდასხმების უკან?
ამ საკითხზე უკვე დიდი ხანია მიმდინარეობს გამოძიება. სამართალდამცავები ყველა წვრილმან დეტალს განიხილავენ იმისათვის, რათა გამოავლინონ დამნაშავეები, მათ შორის ისინიც, ვინც პარასკევს, გამთენიისას ბენზინგასამართ სადგურზე ასაფეთქებელი მოწყობილობა მოათავსეს.
