საბერძნეთის დროშამ სარვამარტოდ ფერი იცვალა
საბერძნეთის დროშამ სარვამარტოდ ფერი იცვალა
საერთაშორისო ქალთა დღე ერთობ საზეიმო, მაგრამ ამავდროულად ძალიან მძიმე დღეა იმ სამყაროში, სადაც ყოველდღიურად ერთი ქალი მაინც ემშვიდობება სიცოცხლეს.
მსოფლიოს სხვადასხვა ქვეყანაში ეს დღე სხვადასხვანაირად აღინიშნება და დღეს ათენის მერიის ფასადიც ჯორჯია ლალეს ნამუშევრით შეიმოსა.
ეს ხელოვნების ნიმუში საბერძნეთში მაცხოვრებელი ქალბატონების მიერ შემოწირული თეთრეულისგანაა შექმნილი და ეძღვნება ყველა დაღუპულ ქალს და ოჯახური ძალადობის მსხვერპლს.
“შემოწირულობა მივიღეთ ქალბატონებისგან, რომლებსაც თითქოს და საერთო არაფერი აქვთ ერთმანეთთან, მაგრამ, სამწუხაროდ, თითოეული მათგანი ერთხელ მაინც ჩაწოლილა ამ თეთრეულში იმედგაცრუებული და შეშინებული.” სწორედ ამიტომ ვხედავთ ათენის მერიის შენობაზე დაშვებულ საბერძნეთის დროშას ფერშეცვლილს, სისხლისფერი თეთრეულისგან აწყობილს.
“და მართლაც რომ ოჯახური ძალადობის მსხვერპლი ქალების უმეტესობა საკუთარ სასთუმალზეა მოკლული, საკუთარ საწოლში. იმ გადასაფარებლებში, რომელსაც ყოველ დილით ასე გულმოდგინედ ასწორებდნენ და სწორედაც რომ ამ თეთრეულმა შთანთქა მათი სისხლი.” აცხადებენ გამოფენის ორგანიზატორები.
“ქალთა საერთაშორისო დღე არის შესაძლებლობა ერთად დავდგეთ და ვიბრძოლოთ ქალთა გაძლიერებისთვის და გენდერული ძალადობის წინააღმდეგ. რათა შევქმნათ ისეთი სამყარო სადაც გენდერული თანასწორობა საუცხოო აღარ იქნება.” აცხადებს ათენის მერი, ხარის დუკასი.
