აშშ: მაინის ხოცვა-ჟლეტის მომწყობი 40 წლის დამნაშავე გარდაცვლილი იპოვეს
აშშ-ის მეინის შტატის ქალაქ ლუისტონში მომხდარი თავდასხმის სავარაუდო დამნაშავე რობერტ კარდი, რომელმაც 18 ადამიანის სიცოცხლე შეიწირა, გარდაცვლილი იპოვეს, იუწყება ამერიკული მედია პოლიციის წყაროზე დაყრდნობით.
გავრცელებული ინფორმაციით, აშშ-ს არმიის რეზერვისტი თავის არეში მიყენებული დაზიანებებით გარდაიცვალა.
ის მკვდარია, აცხადებს მაინის შტატის პოლიცია, რომელმაც ცხედარი იპოვა. პოლიციის პირველადი ინფორმაციით, ეჭვმიტანილმა თავი მოიკლა.
40 წლის რობერტ კარდი გარდაცვლილი იპოვეს ტყეში, გადამამუშავებელი ცენტრის მახლობლად, სადაც ის მუშაობდა, ლუისტონიდან დაახლოებით 8 მილის დაშორებით, იმ ქალაქიდან, სადაც ოთხშაბათს ის შეიჭრა ბოულინგის მოედანსა და რესტორანში და განურჩევლად ესროდა ყველას.
ორი დღის განმავლობაში პოლიცია აწარმოებდა ოპერაციას მის დასაკავებლად, ხოლო ხალხს სთხოვეს სახლში დარჩენა, რამდენიმე სკოლა და სავაჭრო ობიექტი კი დაიკეტა.
ეს თავდასხმა იყო ყველაზე სასტიკი და მასშტაბური, შეერთებულ შტატებში ტეხასის შტატის ქალაქ უვალდეში გასულ წელს სკოლაში მომხდარი ხოცვა-ჟლეტის შემდეგ.
