გაზის სუნი ქარხანაში ბოლო რამდენიმე თვის განმავლობაში იდგა – რით იმართლებს თავს ქარხნის მფლობელი
გაზის სუნი ქარხანაში ბოლო რამდენიმე თვის განმავლობაში იდგა – რით იმართლებს თავს ქარხნის მფლობელი
გაზის შემაწუხებელ სუნზე, რომელიც ბოლო თვეებში პერიოდულად, ზოგჯერ მძაფრად, ხანდახან კი შედარებით მსუბუქად იგრძნობოდა, ქარხნის თანამშრომლებმა ხანძრის განზრახ გაჩენის შემთხვევების გამოძიების დეპარტამენტთან ისაუბრეს.
თანამშრომლების მიერ მიცემული ჩვენების საფუძველზე დგინდება, რომ თანამშრომლებმა მილებიდან გაჟონილ გაზის სუნთან დაკავშირებით უფროსები საქმის კურსში ჩააყენეს. აღნიშნულთან დაკავშირებით ინფორმაცია ჰქონდა ქარხნის მფლობელსაც, თუმცა ქარხანაში ერთ-ერთი ვიზიტის დროს განაცხადა, რომ აღნიშნული სუნი კანალიზაციიდან მოდიოდა და არა ბუნებრივი აირის მილებიდან.
სმენის უფროსმა, რომელიც პოლიციამ დააკავა, გამომძიებელს განუცხადა, რომ იცოდა სუნის შესახებ და გაფრთხილებული ჰყავდა პასუხისმგებელი პირები.
რაც შეეხება უსაფრთხოების დაცვის სპეციალისტს, მან დაკავებისას განაცხადა, რომ არანაირი ინფორმაცია არ ჰქონდა აღნიშნულთან დაკავშირებით.
