ბრიტანეთში მეთანის უზარმაზარი გაჟონვა კოსმოსიდან დაფიქსირდა
BBC-ის ცნობით, გაჟონვაზე პასუხისმგებელი არიან კომპანიები Wales და West Utilities. გაჟონვა უკვე დაწყებული იყო მარტიდან, მაგრამ მთელი ამ თვეების განმავლობაში ინციდენტი კომპანიის ვებგვერდზე არსად იყო ნახსენები.
გაჟონვა დააფიქსირა ლიდსის უნივერსიტეტმა, კონკრეტულად მკვლევარმა ემილი დოუდმა სპეციალური თანამგზავრების საშუალებით, შემდეგ კი მონაცემები დადასტურდა საველე შემოწმებით.
გაჟონვის ზომა სტიქიაზე მიუთითებს. თავდაპირველად, ეს შენიშნეს სატელიტური სურათიდან, ხოლო ამავე დროს ვრცელდება ინფორმაცია, რომ გაჟონვით გამოწვეული დანაკარგის ექვივალენტური თანხა საკმარისი იქნებოდა 7500-ზე მეტი სახლის ენერგიით უზრუნველსაყოფად მთელი წლის განმავლობაში.
როგორც ემილი დოუდმა აღნიშნა, “ახლა მთავარი კითხვაა, რამდენი გაჟონვაა ჯერ კიდევ გამოუვლენელი” და დასძინა, რომ მნიშვნელოვანია უფრო ხშირი და ინტენსიური შემოწმებების ჩატარება.
დიდი ბრიტანეთი, ისევე როგორც მსოფლიო საზოგადოება უკრაინის ომის გამო ენერგეტიკული კრიზისის წინაშე დგას. მაგრამ რამდენად მძიმეა ზემოქმედება გარემოზე? მეთანი 28-ჯერ უფრო მავნეა, ვიდრე ნახშირორჟანგი და პასუხისმგებელია გლობალური დათბობის 30%-ზე.
ენერგეტიკის საერთაშორისო სააგენტოს (IEA) მონაცემებით, დიდი ბრიტანეთის მეთანის ემისიების 48% მოდის პირუტყვზე, 41% ნარჩენების მართვაზე და 11% ნავთობისა და გაზის ინდუსტრიაზე.
ვარაუდობენ, რომ დიდმა ბრიტანეთმა მნიშვნელოვნად შეამცირა მეთანის ემისია 1990 წლიდან, მაგრამ შეინიშნება, რომ პროგრესი ამ მიმართულებით შენელდა.
აღსანიშნავია, რომ გაჟონვის მიზეზი ჯერ არ არის დაზუსტებული, მაგრამ ძირითადად ინფრასტრუქტურის სიძველით არის გამოწვეული, რაც კომპანიებს კლიმატის კრიზისში პასუხისმგებლობის წინაშე აყენებს.
