ნიუ-იორკის მერი ზოჰრან მამდანი გახდა
ნიუ-იორკის მერი ზოჰრან მამდანი გახდა
ნიუ-იორკის მერის არჩევნების წინასწარი შედეგებით, შეერთებული შტატების უმსხვილესი ქალაქის მერი გახდება დემოკრატიული პარტიის კანდიდატი, 34 წლის ზოჰრან მამდანი.
არჩევნები 4 ნოემბერს ჩატარდა. ნიუ-იორკის მერად კენჭს იყრიდნენ რესპუბლიკელი კერტის სლივაც და ნიუ-იორკის შტატის ყოფილი გუბერნატორი ენდრიუ კუომო, რომელიც დემოკრატიული პარტიის პრაიმერიზში ზოჰრან მამდანისთან დამარცხდა და არჩევნებში დამოუკიდებელი კანდიდატის სტატუსით მონაწილეობდა. ნიუ-იორკის ამჟამინდელმა მერმა ერიკ ადამსმა ახალი ვადით კენჭისყრაზე უარი თქვა.
არჩევნების შედეგების ოფიციალურად დადასტურების შემდეგ ზოჰრან მამდანი გახდება ნიუ-იორკის პირველი მუსლიმი მერი.
მედიის პროგნოზით, დემოკრატებმა რესპუბლიკელები დაამარცხეს ორ გადამწყვეტ შტატშიც. ვირჯინიის გუბერნატორის არჩევნებში გაიმარჯვა დემოკრატმა ებიგეილ სპანბერგერმა, რომელმაც რესპუბლიკელი უინსომ ერლ სირსი დაამარცხა, ხოლო ნიუ-ჯერსის გუბერნატორის არჩევნებში დემოკრატმა მიკი შერილმა დაამარცხა რესპუბლიკელი ჯეკ ჩიატარელი. კომენტატორების დიდი ნაწილი დემოკრატების გამარჯვებას განიხილავს პრეზიდენტ ტრამპის პოლიტიკით ამომრჩევლების უკმაყოფილების დასტურად.
