გამომიგზავნე ტანსაცმელი და ფული – შეტყობინება, რომელიც სოფია პოლიზოღოპულუმ მოძალადე ქმრისგან მიიღო
გამომიგზავნე ტანსაცმელი და ფული – შეტყობინება, რომელიც სოფია პოლიზოღოპულუმ მოძალადე ქმრისგან მიიღო
სოფია პოლიზოღოპულუმ საჩივარი შეიტანა არამხოლოდ აპოსტოლოს ლიტრასის წინააღმდეგ, არამედ მისი ყოფილი მეუღლის წინააღმდეგაც, რომელიც გუშინ ღამით სოფიასთან სახლში მის უფროს ქალიშვილთან ერთად და ადვოკატთან ერთად მივიდა რათა წამოეღო ლიტრასის პირადი ნივთები. აღნიშნული პირების სახლში სტუმრობამ ძალადობის მსხვერპლის აღელვება გამოიწვია და მას გულიც კი წაუვიდა. სოფია პოლიზოღოპულუ აცხადებს, რომ ლიტრასმა მას მუქარის წერილი გაუგზავნა სადაც სთხოვს რომ გაუგზავნოს ფული და ტანსაცმელი.
პოლიციის წარმომადგენლის განცხადებით, რომელმაც ANT1-სთან ისაუბრა, საქმე აღიძრა როგორც ცნობილი კრიმინოლოგის ასევე მისი ყოფილი მეუღლის წინააღმდეგ. გაცემულია ბრძანება აპოსტოლოს ლიტრასის დასაკავებლად, ხოლო მის ყოფილ მეუღლეს კი გადაიყვანენ დაკითხვაზე.
ძალადობის მსხვერპლმა საჩივარი სასამართლოს მიერ გამოცემული შემაკავებელი ორდენის დარღვევისთვის შეიტანა. სოფია ირწმუნება, რომ მოძალადისგან მიიღო მუქარის შემცველი შეტყობინება. პოლიზოღოპულუ აცხადებს რომ ლიტრასმა არამხოლოდ დაარღვია შემაკავებელი ორდენის პირობები, არამედ არ გადაუცია მისთვის სახლის გასაღები, რომელშიც ახლა ძალადობის მსხვერპლი ცხოვრობს.
საჩივრის შეტანის შემდეგ პოლიციამ ლიტრასი ვერც სახლში იპოვა და რამდენადაც პრესისთვის ცნობილია ბრალდებული არც პოლიციის ზარებს პასუხობს.
