განგაში კისამოში: მამაკაცმა ცოლი მძევლად აიყვანა და სახლის აფეთქებით იმუქრება

ხანიაში, კასტელი კისამოში, დღეს 11:30 საათიდან ასაფეთქებელი მოწყობილობოთ შეიარაღებულმა მამაკაცმა მძევლად აიყვანა ცოლი, საკუთარ სახლში ჩაიკეტა და მისი აფეთქებით იმუქრება.

შემთხვევის ადგილზე მობილიზებულია პოლიციის ბრიგადები, რომლებიც აწარმოებენ მოლაპარაკებას  და  ცდილობენ დაარწმუნონ მის განეიტრალებას.

მამაკაცის სახლი, რომელშიც ის, ცოლთან ერთად არის ჩაკეტილი  გარშემორტყმულია პოლიციის  ძალების მიერ.

ამავე დროს, აფეთქების საშიშროების გამო მიმდებარე ტერიტორიიდან მაცხოვრებლების ევაკუაცია განხორციელდა.

ადგილზე მობილიზებული პოლიციის ჯგუფი მზად არის ჩაერიოს და სათანადო რეაგირება მოახდინოს თუ მამაკაცი  შეეცდება განახორციელოს მუქარა .

მამაკაცი სახლის აფეთქებით მას შემდეგ იმუქრება, რაც მასზე დაკავების ორდერი გაიცა და პოლიცია მივიდა მის დასაკავებლად, რადგან მანამდე ის სატელეფონო ზარით ხანიის პროკურატურაში ბომბის დადებით იმუქრებოდა.

მამაკაცმა თავდაპირველად მის დასაკავებლად მისულ პოლიციელებზე დინამიტით და დანით  თავდასხმა სცადა, შემდეგ კი სახლში ჩაიკეტა.