შეეძლო თუ არა სანაპირო დაცვას თავიდან აეცილებინა ემიგრანტების გემის კატასტროფა საბერძნეთში

საბერძნეთში ჩნდება კითხვები იმის შესახებ, შეეძლო თუ არა სანაპირო დაცვას მეტი გაეკეთებინა მიგრანტების გემის ტრაგედიის აღსაკვეთად, რომელმაც მინიმუმ 78 ადამიანის სიცოცხლე შეიწირა.

საბერძნეთის სანაპირო დაცვა ამბობს, რომ მათ დასახმარებლად საკუთარი გემებისა და სავაჭრო გემების ძალისხმევა არაერთხელ იქნა უარყოფილი, ბორტზე მყოფი ხალხი დაჟინებით ამტკიცებდა, რომ მათ სურდათ იტალიაში წასვლა.

პარტია SYRIZA-ს  ლიდერმა ალექსის ციპრასმა მიანიშნა, რომ სანაპირო დაცვას მეტი უნდა გაეკეთებინა.

აქტივისტი ნავალ სუფი, რომელიც პირველი დაუკავშირდა გემის მგზავრებს ფეისბუქის პოსტში ამტკიცებს, რომ მიგრანტებმა დახმარებაზე არამარტო უარი არ თქვეს, არამედ ნებისმიერ ფასად ითხოვდნენ შველას.

მისი თქმით, მიგრანტთა ნავის კაპიტანმა გემი მიატოვა და მგზავრები ვეღარ გაემგზავრნენ იტალიაში, რადგან არ იცოდნენ როგორ ეცურათ იქამდე.

ნიკოს სპანოსი, საბერძნეთის სანაპირო დაცვის გადამდგარი ოფიცერი, ამბობს, რომ საბერძნეთი უნდა ჩარეულიყო გემის ჩაძირვამდე, კაპიტანი  გაიქცა და ამიტომ საბერძნეთი უნდა ჩარეულიყო.

ემიგრანტების გემი პილოსის სამხრეთ-დასავლეთით 47 საზღვაო მილში იმყოფებოდა როდესაც ჩაიძირა. ის საერთაშორისო წყლებში იყო, მაგრამ საბერძნეთის იურისდიქციის ქვეშ იმყოფებოდა სამძებრო-სამაშველო დონეზე.

სანაპირო დაცვას უნდა გაეგზავნა ყველა არსებული გემი ემიგრანტების გადასაყვანად, თქვა სპანოსმა.

თავის მხრივ საბერძნეთის სანაპირო დაცვა ბრალდებებს უარყოფს. სანაპირო დაცვის სპიკერმა, კაპიტანმა ნიკოლაოს ალექსიუმ, უარყო ბრალდებები დაუდევრობის შესახებ და განაცხადა, რომ ოპერაციას, რომელიც აიძულებდა მიგრანტთა გემს შეეცვალა კურსი ბერძნული პორტის მიმართულებით, შეიძლება ბევრად ადრე გამოეწვიათ მისი  ჩაძირვა.

მისი თქმით, მას შემდეგ, რაც მიგრანტების გემი დააფიქსირეს როგორც სანაპირო დაცვის ვერტმფრენებმა, ასევე Frontex-ის თვითმფრინავმა, საბერძნეთის სანაპირო დაცვამ უბრძანა მახლობლად მცურავ  გემებს მასთან მიახლოება.

მგზავრებმა მიიღეს მარაგი პირველი გემიდან, რომელიც მათ მიუახლოვდა, მაგრამ უარი თქვეს დახმარებაზე  მეორე ახლოს მისული გემიდან.

„ადგილზე ვიყავით. ჩვენც ვცადეთ მათთან ტელეფონით მოლაპარაკება და დახმარება, მაგრამ მათ კატეგორიული უარი გვითხრეს და აცხადებდნენ, რომ ნავზე დარჩენა და იტალიაში წასვლა უნდოდათ.

ნებისმიერი ქმედება, რომელსაც ჩვენ მივიღებდით მათი ნების საწინააღმდეგოდ, 100-200 კაცით გარე გემბანზე, ალბათ გამოიწვევდა გემის ჩაძირვას.  ჩვენ ვსაუბრობთ ადამიანებზე და არა ტვირთზე”-განაცხადა საბერძნეთის სანაპირო დაცვის წარმომადგენელმა.

საბერძნეთმა მიგრანტების გემის ჩაძირვის ფაქტზე ორი გამოძიება დაიწყო..

“არ არის აღნიშნული დაკავებულთა კონკრეტული რაოდენობა, რომლებიც ეჭვმიტანილნი არიან არალეგალური მიგრანტებით ვაჭრობაში საბედისწერო გემზე- ნათქვამია სანაპირო დაცვის განცხადებაში.