გენდერული თანასწორობის მაჩვენებლით საბერძნეთი ევროპის ქვეყნებს შორის ბოლო ადგილს იკავებს
გენდერული თანასწორობის მაჩვენებლით საბერძნეთი ევროპის ქვეყნებს შორის ბოლო ადგილს იკავებს
2025 წლის 8 მარტს დაგეგმილი ფემინისტური მსვლელობების მთავარ მოთხოვნად ისევ ქალთა მიმართ დისკრიმინაციის აღმოფხვრა რჩება და აღნიშნული მოთხოვნა კიდევ ერთხელ მოუწოდებს პასუხისმგებელ ორგანოებს შემოჰკრან განგაშის ზარი იმ რიგირ ფაქტების არსებობის გამო, რომლებიც ამ დრომდე ფიქსირდება სხვადასხვა კერძო თუ საჯარო კომპანიებსა და სივრცეებში.
განსხვავებული ხელფასები, თუ დამოკიდებულება სამუშაო სივრცეებში ერთ-ერთი მთავარი მაჩვენებელია გენდერული უთანასწორობისა, რომელიც ამ დრომდე მნიშნელოვან პრობლემად რჩება არამხოლოდ საბერძნეთის, არამედ სრულიად მსოფლიოს მასშტაბით.
ქალთა საერთაშორისო დღე აღინიშნება ყოველი წლის 8 მარტს. ქალთა ეკონომიკური, პოლიტიკური და სოციალური მიღწევების აღნიშვნის გლობალური დღესასწაული. პირველად ეს დღე 1909 წლის 28 თებერვალს აშშ-ში ამერიკის სოციალისტურმა პარტიამ აღნიშნა.
ამ დღეს მომხდარ ისტორიულ მოვლენათა შორის ერთ-ერთი უმთავრესია „ტრაიენგლ შირტუეისტ“ (Triangle Shirtwaist) საფეიქრო ფაბრიკაში მომხდარი ხანძარი რომელმაც 140-ზე მეტი ქალი იმსხვერპლა. ამ ტრაგედიის შემდეგ მოძრაობა მთელი მსოფლიოს მასშტაბით გახდა ცნობილი.
1975 წელს გაერომაც აღიარა 8 მარტი ქალთა საერთაშორისო დღედ.
ამჟამად არსებული ქალთა უფლებების დაცვის მოძრაობები ყოველი წლის 8 მარტს მრავალ ღონისძიებას ატარებს. ქალთა გლობალური ასოციაციის, „ავრორას“ საიტზე შესაძლებელია ადგილობრივ ღონისძიებათა დარეგისტრირება. ეს ხელს უწყობს ქალთა უფლებების დაცვის სფეროში ადგილობრივი მოვლენების მსოფლიო მასშტაბით გაშუქებას. მრავალი ქვეყნის მთავრობა და ბევრი ორგანიზაცია მხარს უჭერს ქალთა საერთაშორისო დღეს.
