დანია: ბალტიის ზღვაში გემიდან შვილისა და დედის სასიკვდილო გადავარდნა შემთხვევითი არ ყოფილა, აცხადებს ხელისუფლება
გასულ კვირას, ბალტიის ზღვაში მცურავი გემიდან გადავარდნისას დედის და შვილის ტრაგიკული გარდაცვალების შესახებ გავრცელებული უახლესი ინფორმაციის თანახმად, როგორც ოფიციალური წყაროები ადასტურებენ, დედის და შვილის სასიკვდილო გადავარდნა შემთხვევითი არ ყოფილა.
პირველადი ინფორმაციით, ბიჭი ზღვაში ჩავარდა და დედა გადახტა მის გადასარჩენად, მაგრამ გემზე უსაფრთხოების კამერების მიერ აღბეჭდილ კადრებში მოვლენების განვითარება არ შეესაბამება ამ ვერსიას.
დანიის ხელისუფლების მიერ ჩატარებული წინასწარი გამოძიების თანახმად, პოლონელი ქალისა და მისი 7 წლის ვაჟის გარდაცვალება გასულ კვირას, მას შემდეგ, რაც ისინი შვედეთიდან პოლონეთში მიმავალი გემიდან გადავარდნენ ბალტიის ზღვაში, არ იყო უბედური შემთხვევა.
საქმეს დანიის ხელისუფლება იძიებს როგორც შესაძლო მკვლელობას!
„ჩვენმა გამოძიებამ ნათლად აჩვენა, რომ ეს არ იყო უბედური შემთხვევა“- განუცხადა ორშაბათს როიტერს დანიის საზღვაო შემთხვევების გამოძიების სამსახურის ხელმძღვანელმა.
“წინასწარმა გამოძიებამ შეაგროვა მტკიცებულებები ვიდეოჩანაწერებიდან, ფოტოებიდან და თვითმხილველებისგან, შვედეთის პოლიციამ გემზე მყოფ მგზავრებს მიმართა ინფორმაციის მისაღებად, რათა გაერკვიათ დეტალები, თუ როგორ მოხდა ტრაგედია.
შვედეთის საზღვაო ადმინისტრაციის წარმომადგენლისგან თავდაპირველად მივიღეთ ინფორმაცია, რომ ბავშვი დაახლოებით 20 მეტრის სიმაღლიდან ზღვაში გადავარდა, შემდეგ აღმოჩნდა, რომ ორი ადამიანი იყო გადავარდნილი. ამ დროისთვის არსებული მასალების ანალიზით დასტურდება, რომ ეს არ იყო უბედური შემთხვევა- განაცხადა დანიის საზღვაო-სამაშველო ოპერაციების ხელმძღვანელმა.
