დედის დღე საბერძნეთში 11 მაისს აღინიშნება
დედის დღე საბერძნეთში 11 მაისს აღინიშნება
კვირას, 11 მაისს, საბერძნეთში დედის დღე აღინიშნება.
დედის საერთაშორისო დღეს ყველა ქვეყანაში თავისი ისტორია და ტრადიციები გააჩნია, თუმცა საერთო არის ის, რომ დედას ყველგან პატივს სცემენ და ულოცავენ კიდეც ამ დღეს ერთნაირად — ლექსებით, მისალოცი ბარათებით და საჩუქრებით.
საბერძნეთში ამ დღის აღნიშვნის ტრადიცია ქალღმერთ კიველის, ღმერთების დედას უკავშირდება.
თანამედროვეობაში კი დედის დღის აღნიშვნის იდეა ამერიკელმა სოც.აქტივისტმა ანნა მარია ძარვისმა წამოაყენა.
ყველაფერი 1850 წელს დაიწყო, როცა ანნას დედამ დასავლეთ ვირჯინიის შტატში მოხალისეთა ჯგუფები ჩამოაყალიბა. აღნიშნული ჯგუფები იბრძოდნენ ჰიგიენური პირობების გაუმჯობესებისა და ჩვილთა სიკვდილიანობის აღმოსაფხვრელად, დედის რძის მოწამვლადობის შესამცირებლად და მშობიარობის შემდგომი ინფექციების გავრცელების აღმოსაფხვრელად.
ანნამ დედის დღის დღესასწაულის დანერგვის იდეა 1905 წელს, დედამისის გარდაცვალების წელს წამოაყენა. მიუხედავად იმისა, რომ მას თავად შვილები არასდროს ჰყოლია, ის გახდა ამ მნიშვნელოვანი დღის ფუძემდებელი.
