დეკრეტი მამებისთვის

დეკრეტი მამებისთვის

საბერძნეთში 2021 წელს გატარებულმა ცვლილებებმა შრომის კოდექსში გაამყარა ახალი მშობლების უფლებები. კანონის მიხედვით, ყველა დასაქმებულ მამას ბავშვის დაბადების დღიდან ეკუთვნის 14 სამუშაო დღიანი ანაზღაურებადი დეკრეტი.

დეკრეტში გასვლა შეუძლიათ როგორც კერძო, ასევე საჯარო სექტორში დასაქმებულებს. დეკრეტში გასვლა არ არის დამოკიდებული სამუშაო სტაჟზე ან ოჯახურ მდგომარეობაზე.

მამებს შეუძლიათ შვებულება გამოიყენონ:

• 2 დღე ბავშვის დაბადებამდე და დარჩენილი 12 დღე დაბადებიდან 30 დღის განმავლობაში,
• ან მთელი 14 დღე ბავშვის დაბადების შემდეგ.

კანონი ასევე ვრცელდება შვილად აყვანისა და მინდობით აღზრდის შემთხვევებზე, თუ ბავშვი 8 წლამდე ასაკისაა.

აღსანიშნავია, რომ დეკრეტით სარგებლობის გამო თანამშრომლის გათავისუფლება ან მისი დისკრიმინაცია აკრძალულია. კანონი მშობლების დაცვის დამატებით მექანიზმებსაც ითვალისწინებს.

თუ ახალშობილი დაბადების შემდეგ საავადმყოფოში რჩება, შვებულების ნაწილი ან მთლიანად დეკრეტი შეიძლება მოგვიანებით, ბავშვის გაწერის შემდეგ გამოიყენონ, რათა მამამ შეძლოს ბავშვის მოვლა და ემოციური კავშირის გაძლიერება.

კანონი ასევე ითვალისწინებს:

• 4-თვიან დეკრეტს,
• ე.წ “მომვლელის” შვებულებას,
• გადაუდებელი მიზეზით სამუშაოდან დროებით გათავისუფლების უფლებას,
• მოქნილ სამუშაო გრაფიკსა და დისტანციური მუშაობის მოთხოვნის შესაძლებლობას.

საბერძნეთის ხელისუფლების განცხადებით, ეს ცვლილებები მიზნად ისახავს პროფესიულ და პირად ცხოვრებას შორის ბალანსის გაუმჯობესებას და ოჯახების მხარდაჭერას.