დღეიდან ძლიერი წვიმა და ქარიშხალი ქვეყნის ბევრ რეგიონში
დღეიდან საბერძნეთის უმეტეს რეგიონებში უამინდობა იწყება, რასაც ქვეყნის დიდ ნაწილში უხვი წვიმა და ქარიშხალი მოჰყვება. EMY-მ კვირას, 3 სექტემბრიდან უკვე გამოსცა საგანგებო ბიულეტენი საშიში ამინდის ფენომენების შესახებ.
მეტეოროლოგმა პანაიოტის იანოპულოსმა ისაუბრა იმ სახიფათო წყალდიდობებზე, რომლებიც დღეიდან ქვეყანაშია მოსალოდნელი, ასევე იმაზე, თუ რამდენად დააზარალებს ატიკას უამინდობა.
„დღეიდან ამინდი მნიშვნელოვნად გაუარესდება, უკვე ჩრდილოეთში დაიწყო ძლიერი წვიმისა და შტორმის ძირითადი მახასიათებლები. აღნიშნული ფენომენი ხასიათდება ინტენსივობით და გახანგრძლივდება ოთხშაბათის ღამემდე“- აღნიშნავს ის.
ამ სამდღიან პერიოდში, ტერიტორიები, რომლებზეც ყველაზე მეტად მოსალოდნელია წყალდიდობა, არის თესალიის ტერიტორიები და მის გარშემო. კერძოდ: იმათია, პიერია, ხალკიდიკი, სპორადები, ჩრდილოეთ ევია, ფთიოტიდა და ევრიტანია. ამავდროულად, წვიმა მოსალოდნელია კონტინენტის და იონიის ყველა რეგიონში, ხვალ, სამშაბათს, 5 სექტემბერს კი წვიმა იქნება ციკლადებსა და დასავლეთ კრეტაზე.
