დღეს მზის სრული დაბნელებაა სად იქნება ის ხილვადი
დღეს მზის სრული დაბნელებაა – სად იქნება ის ხილვადი?
ვის ექნება შესაძლებლობა დაინახოს, თუ როგორ ,,გაივლის“ მთვარე მზის წინ.
ჩრდილოეთ და ცენტრალური ამერიკის დიდ ნაწილს დღეს ექნება იშვიათი შესაძლებლობა დაინახოს მთვარე, რომელიც მზის წინ გაივლის და დაფარავს მას სრული დაბნელების დროს.
სრული დაბნელება ხილვადი იქნება მილიონობით ადამიანისათვის ჩრდილოეთ ამერიკის, მექსიკისა და კანადის ტერიტორიებზე. სრული დაბნელების ხილვადი პროცესი დაიწყება სამხრეთ წყნარი ოკეანედან.
დაბნელების ტრაექტორია გადაკვეთს მექსიკას და გაგრძელდება აშშ-ში ტეხასის გავლით, შემდეგ გადაინაცვლებს ჩრდილო-აღმოსავლეთით და მოგვიანებით კი, – კანადაში.
მთლიანობაში, როდესაც მთვარის შავი დისკი მზის ადგილს დაიკავებს, ცა დაბნელდება და ის ადრეული განთიადის ეფექტს შექმნის.
ეს პროცესი შესაძლოა ოთხ წუთამდე გაგრძელდეს.
NASA-ს მონაცემებით, 300 მილიონზე მეტ ადამიანს ექნება შესაძლებლობა იხილოს მზის თუნდაც ნაწილობრივი დაბნელება.
ბერძენი პროფესიონალი და მოყვარული ასტრონომების, ასტროფოტოგრაფებისა და დაბნელების დამკვირვებელი ჯგუფები აქტიურად ემზადებიან სამოგზაუროდ ამერიკასა, თუ მექსიკაში, რათა დააკვირდნენ და შეისწავლონ შთამბეჭდავი ასტრონომიული ფენომენი.
ნასას დღეს, საბერძნეთის დროით 8:00 -დან დაგეგმილი აქვს დაბნელების პირდაპირი გაშუქების ტრანსლაცია, რომელიც სამი საათის განმავლობაში გაგრძელდება.
აღნსანიშნავია, რომ მზის მომდევნო სრული დაბნელება მოსალოდნელია 2026 წლის 12 აგვისტოს და ის, ხილული იქნება ისლანდიიდან, პორტუგალიიდან, რუსეთიდან და ესპანეთიდან.
