ევია: ავტოსაგზაო შემთხვევამ მძღოლის სიცოცხლე იმსხვერპლა
ევია: ავტოსაგზაო შემთხვევამ მძღოლის სიცოცხლე იმსხვერპლა
პარასკევს ღამით კუნძულ ევიაზე ავტოსაგზაო შემთხვევა მოხდა.
evima.gr-ის მიერ გავრცელებული ინფორმაციის თანახმად გამოძიებისთვის ამ დრომდე დაუდგენელ მიზეზთა გამო მძღოლმა საჭეზე კონტროლი დაკარგა და ხალკიდას ტერიტორიაზე გზიდან გადავარდა. გზის სავალი ზოლიდან გადასული ავტომანქანა ბოძს შეეჯახა.
შეჯახება იმდენად ძლიერი იყო, რომ ავტომანქანის მძღოლი ადგილზევე დაიღუპა.
შემთხვევის ადგილზე გამოცხადდა საგზაო პოლიცია და სასწრაფო დახმარების ბრიგადა, თუმცა მძღოლისთვის ყოველგვარი სამედიცინო დახმარების აღმოჩენა უკვე დაგვიანებული იყო.
მიმდინარეობს გამოძიება ავარიის გამომწვევი მიზეზების დასადგენად.
Facebook Comments Box
