ევროსი: დააკავეს არალეგალური იმიგრაციის დანაშაულებრივ სქემაში მონაწილე ხუთი მესაზღვრე

ევროსში მიმდინარეობს  შინაგან საქმეთა სამმართველოს მიერ წარმოებული  ოპერაცია არალეგალური იმიგრაციის საქმეზე,  რომელშიც  სავარაუდოდ ხუთი  მესაზღვრე-პოლიციელი მონაწილეობს.

ამ დროისთვის გავრცელებული ინფორმაციით, ხუთივე დაკავებული გადაყვანილია  სასაზღვრო დაცვის დეპარტამენტში  დაკითხვაზე,  პარალელურად კი მათ სახლებში  მიმდინარეობს ჩხრეკა.

ამავე  ინფორმაციით  საბერძნეთის პოლიციამ   გამოძიება გასული ოქტომბრიდან დაიწყო, სატელეფონო საუბრების ჩანაწერების  და სხვა მამხილებელი ფაქტების  შეგროვების კვალდაკვალ, დღეს კი დანაშაულებრივი ჯგუფის წევრების  დაკავების  ოპერაცია დაიწყო.

აღნიშნულ საქმეზე გამოძიების დასრულების შემდეგ საბერძნეთის პოლიცია შესაბამის განცხადებებს გააკეთებს.