ექსარხია: გაუპატიურების სამი მცდელობა ბოლო 24 საათის განმავლობაში – მსხვერპლთა შორის არასრულწლოვანია
ბოლო რამდენიმე საათის განმავლობაში პოლიციაში სამი საჩივარი შევიდა ექსარხიაზე თავდასხმისა და გაუპატიურების მცდელობის შესახებ.
პირველი ინციდენტი, რომელშიც 13 წლის გოგონა მონაწილეობდა, გასულ შაბათს, შუადღისას მოხდა, როდესაც უცნობი მამაკაცი მიუახლოვდა მას და მისი შეურაცხყოფა სცადა. როგორც მოზარდი ამბობს, მან ყვირილი დაიწყო და მოძალადე გაიქცა.
მეორე ინციდენტი ორშაბათს, დილით მოხდა. 29 წლის მსხვერპლის განცხადებით, უცნობი მამაკაცი ბენაკისა და ნიკიტარას ქუჩების კვეთაზე დაესხა თავს და მისი გაუპატიურება სცადა.
მომხდარიდან სულ რაღაც 10 წუთის შემდეგ 27 წლის ქალმა განაცხადა, რომ ამჯერად ზოოდოხუ პიგზე მასაც თავს დაესხნენ მსგავსი გზით, მაგრამ მან წინააღმდეგობა გაუწია და გაქცევა მოახერხა.
მსხვერპლთა აღწერილობით თავდამსხმელი საშუალო სიმაღლის, თეთრკანიანი, ქერა, ცისფერთვალება მამაკაცია, რომელიც დამტვრეული ინგლისურით საუბრობს.
პოლიცია ტერიტორიაზე არსებული უსაფრთხოების კამერებიდან ეძებს მასალას, რომელთაც შესაძლოა დააფიქსირეს მოძალადის მახასიათებლები.
