Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

ვოლოსი: არასრულწლოვანთა ბანდა თავს დაესხა შეზღუდული შესაძლებლობების მქონე მოზარდს, გააშიშვლეს და ძალადობის ამსახველი ვიდეო სოციალურ ქსელში განათავსეს

ვოლოსში ოთხი არასრულწლოვანი ბიჭისგან შემდგარი მოძალადეთა ბანდა თავს დაესხა შეზღუდული შესაძლებლობების მქონე მათსავე თანატოლს, დამცირების მიზნით გააშიშვლეს და სცემეს, ხოლო ფაქტი მობილური ტელეფონით გადაიღეს,  აღნიშნული ვიდეო კი სოციალურ ქსელში ატვირთეს.

მათ მსხვერპლი ვოლოსის უკაცრიელ რაიონში, ავტომანქანით მიიყვანეს, სადაც განახორციელეს აღნიშნული სასტიკი და ავადმყოფური ქმედება. ამავე დროს მათ შენიღბვის მიზნით მანქანაზე დამაგრებული ჰქონდათ პოლიციის შუქურა, რათა ფაქტი წარმოეჩინათ თითქოს  პოლიციის მიერ მორიგი სამსახურეობრივი ოპერაცია ტარდებოდა.

მომხდარიდან ერთი დღის შემდეგ პოლიციამ მათ კვალს მიაგნო. დაკავებისას ისინი აგრესიული გამოვლინებებით წინააღმდეგობას უწევდნენ, სცემდნენ და უშვერი ფრაზებით მიმართავდნენ სამართალდამცავებს და ცდილობდნენ გაქცეულიყვნენ.

ოთხივე ბრალდებული არასრულწლოვანთა სასამართლოს წინაშე წარსდგნენ  შეზღუდული შესაძლებლობების მქონე მოზარდის გატაცების,  უნებართვო ვიდეო გადაღებისა და გავრცელების და ასევე პოლიციის მიმართ დაუმორჩილებლობის  ბრალდებით.

დაკავებულთაგან  ორი, რომელთაც უკვე მიაღწიეს სრულწლოვანებას, სასამართლომ დამნაშავედ სცნო და სამი წლით თავისუფლების აღკვეთა შეუფარდა, რომელსაც  არასრულწლოვანთათვის განკუთვნილ სასჯელაღსრულების დაწესებულებაში მოიხდიან. დანარჩენი ორი დაკავებულის მიმართ კი სასამართლომ თავი შეიკავა საქმის განხილვისგან სრულწლოვანებამდე.  მანამდე  ისინი აყვანილი იქნებიან საგანგებო ზედამხედველობის ქვეშ, შეუერთდებიან სპეციალურ თერაპიულ პროგრამას და დაასრულებენ სწავლას საშუალო სკოლაში.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *