ვოლოსი: სტუდენტური წვეულების შემდეგ ათობით ახალგაზრდის საავადმყოფოში გადაყვანა გახდა საჭირო

ვოლოსში სასწრაფო დახმარების ბრიგადის  ათეულობით გამოძახება დაფიქსირდა ალკოჰოლის დიდი დოზით მიღების და ინტოქსიკაციის გამო  ახალგაზრდების საავადმყოფოში გადასაყვანად,  თესალიის უნივერსიტეტში გამართული სტუდენტური  წვეულების შემდეგ.

გავრცელებული ცნობით,  8000-ზე მეტი ახალგაზრდა მამაკაცი და ქალი ესწრებოდა გრანდიოზულ  სტუდენტურ წვეულებას, რომელიც მოეწყო ქვეყნის მასშტაბით და ორგანიზებული იყო თესალიის უნივერსიტეტის მექანიკური ინჟინერიის ფაკულტეტის  მიერ.

სტუდენტები კერძო მანქანებით  და ავტობუსებით ქვეყნის სხვადასხვა რეგიონიდან ჩავიდნენ წვეულებაზე დასასწრებად, რომელიც დაიწყო პედიონ არეოსში, არქიტექტურული  ზონის წინ ატრიუმში  საღამოს 11 საათზე და დილამდე გაგრძელდა.

სამწუხაროდ  წვეულება უსიამოვნებებით დასრულდა, რადგან ალკოჰოლური ინტოქსიკაციის გამო დაახლოებით 40 ახალგაზრდის საავადმყოფოში გადაყვანა გახდა საჭირო, გარდა ამისა ზოგიერთ მათგანს აღენიშნებოდა სხეულის მსუბუქი დაზიანებები, სავარაუდოდ წონასწორობის დაკარგვის დროს დაცემის შედეგად.

ეჭვს ბადებს წვეულებაზე გამოყენებული ალკოჰოლური სასმელების ხარისხი, რამაც სავარაუდოდ  ახალგაზრდების მოწამვლა გამოიწვია.