ვრცელდება გაუპატიურებასა და ბავშვთა პორნოგრაფიის გავრცელებაში ბრალდებული საშუალო სკოლის დირექტორის მიერ გაგზავნილი შეტყობინებები
ვრცელდება გაუპატიურებასა და ბავშვთა პორნოგრაფიის გავრცელებაში ბრალდებული საშუალო სკოლის დირექტორის მიერ გაგზავნილი შეტყობინებები
სულ მცირე 20 არასრულწლოვანი იყო კუნძული სამოსის საშუალო სკოლის დირექტორის მსხვერპლი, რომელიც მათ სექსუალურად ავიწროებდა.
ტელემაუწყებელი Star-ის მიერ გავრცელებული ინფორმაციის თანახმად ბრალდებული არასრულწლოვნებს წერილობით შეტყობინებებს უგზავნიდა: “ძალიან ლამაზი წვივები გაქვს, საუკეთესო, ნავარჯიშები.”
წერილობითი შეტყობინებები განსხვავებული იყო ყველა მოსწავლის მიმართ. ზოგიერთ მათგანს ყავაზე ეპატიჟებოდა, ზოგის მოხიბვლას კი კომპლიმენტებით ცდილობდა.
ერთ-ერთი მოსწავლის ადვოკატი, იოანის კალტაკისი აცხადებს, რომ დირექტორმა ბოროტად ისარგებლა მოსწავლეების მის მიმართ პატივისცემით და არა მხოლოდ, მათი სოციალური მდგომარეობით და სიღარიბითაც.
ერთ-ერთმა მსხვერპლმა ჩვენებაში განაცხადა: “მთხოვა ფეხებზე მასაჟი გამეკეთებინა გასამრჯელოს სანაცვლოდ. თან შემპირდა რომ ბუცებს მიყიდდა და მისი იახტით თურქეთის სანაპიროებზე გამასეირნებდა.”
47 წლის დირექტორი 25 ივლისს მრავალთვიანი გამოძიების შემდეგ დააკავეს.
დაკავებულის დანაშაულებრივი ქმედება 2018 წლიდან 2024 წლამდე აქტიურად გრძელდებოდა.
