ვულა: ავტოსაგზაო შემთხვევამ 52 წლის მამაკაცის სიცოცხლე იმსხვერპლა
ვულა: ავტოსაგზაო შემთხვევამ 52 წლის მამაკაცის სიცოცხლე იმსხვერპლა
გუშინ ღამით ვულაში ავტომანქანისა და მოტოციკლის ძლიერი შეჯახების შედეგად მოტოციკლეტის მძღოლი სასიკვდილოდ დაშავდა.
დაახლოვებით ღამის 22:30 საათისთვის, გამოძიებისთვის ამ დრომდე დაუდგენელ მიზეზთა გამო, ვასილეოს პავლუსა და ავლონოს ქუჩების კვეთაზე ავტომანქანა მოტოციკლეტს შეეჯახა. შეჯახება იმდენად ძლიერი იყო, რომ მოტოციკლეტის მძღოლი ადგილიდან მოწყდა, ჰაერში ავარდა და შორიახლოს მდგომი ხის ტოტზე დაიცა.
შემთხვევის ადგილზე დაუყოვნებლივ გამოცხადდა საპატრულო პოლიცია, რომელმაც დაშავებული მოტოციკლეტის მძღოლი, რომელიც იტალიელი აღმოჩნდა, ასკლიპიიოს საავადმყოფოში გადაიყვანა. თუმცა 52 წლის მამაკაცი მიღებული ტრავმების გამო მალევე გარდაიცვალა.
მომხდარზე წინასწარი გამოძიება სამხრეთ-აღმოსავლეთ ატიკის საგზაო მოძრაობის სამმართველომ დაიწყო.
