ზაკინთო: უცხოელმა წყვილმა ერთი წლის შვილი მანქანაში დატოვა და საყიდლებზე წავიდა
არტას ტრაგედიის შემდეგ, რომელმაც მთელი საბერძნეთი შეძრა კიდევ ერთ მსგავს ფაქტს ჰქონდა ადგილი, ამჯერად კუნძულ ზაკინთოზე.
გავრცელებული ინფორმაციით ოთხშაბათს დილით ზაკინთოში დანიელმა წყვილმა ერთი წლის შვილი მანქანაში მარტო დატოვა, თვითონ კი საყიდლებზე წავიდნენ.
მარტო დატოვებული ბავშვი გამვლელებმა დაინახეს და პოლიციას შეატყობინეს.
შემთხვევის ადგილზე სასწრაფოდ მივიდნენ პოლიციის თანამშრომლები , რომლებმაც ბავშვი გაათავისუფლეს და სასწრაფო დახმარების მანქანით პროფილაქტიკური მიზნით საავადმყოფოში გადაიყვანეს.
პოლიციის ინფორმაციით, ბავშვი მანქანაში 30 წუთზე მეტხანს მარტო იმყოფებოდა, საბედნიეროდ მას ჯანმრთელობის პრობლემები არ შექმნია.
34 წლის დედა და მისი 31 წლის პარტნიორი არასრულწლოვნის სიცოცხლისთვის საფრთხის შექმნის ბრალდებით დააკავეს და შემდგომი პროცესი ავტომატურად განხორციელდება.
