ზახარაკი: მარადმწვანე სტუდენტებს ეძლევათ ბოლო შესაძლებლობა დაამთავრონ უნივერსიტეტი – სტუდენტთა სიიდან 290 000-ზე მეტი სტუდენტი წაიშლება
ზახარაკი: მარადმწვანე სტუდენტებს ეძლევათ ბოლო შესაძლებლობა დაამთავრონ უნივერსიტეტი – სტუდენტთა სიიდან 290 000-ზე მეტი სტუდენტი წაიშლება
განათლების მინისტრმა სოფია ზახარაკიმ განაცხადა, რომ სტუდენტთა კატალოგიდან 290 000-ზე მეტი სტიდენტი წაიშლება. საუბარია იმ
სტუდენტებზე, რომლებიც სახელმწიფო უნივერსიტეტებში უკვე მრავალი წელია ჩარიცხულები არიან და ჯერ ბაკალავრის დიპლომი არ აუღიათ.
აღნიშნული ინიციატივა რექტორატის 109-ე სხდომაზე წარადგინეს, რომელიც ანავისოში დღეს დაიწყო და 11 ივლისამდე გასტანს.
როგორც უკვე აღინიშნა, განხილვის მთავარი თემა “მარადმწვანე” სტუდენტების სტუდენტთა სიებიდან წაშლა იქნება.
გამონაკლისი დაიშვება მხოლოდ იმ სტუდენტებისთვის, რომლებსაც სწავლის 75% გავლილი აქვს და ბოლო 2 საგამოცდო პერიოდში ბოლო 2 წლის განმავლობაში წატმატებით აქვთ ჩაბარებული გამოცდები. აღნიშნული სტუდენტები შეძლებენ კიდევ 2 სემესტრით გადაავადონ სწავლის პროცესი, რათა შეძლონ უნივერსიტეტის დამთავრება. იმ შემთხვევაში თუ საჭირო იქნება სტაჟირების გავლა ან სადიპლომოს დაცვა სტუდენტები შეძლებენ კიდევ 3 სემესტრით სწავლის გაგრძელებას. აღნიშნული განკარგულება დაახლოვებით 35 000 ძველ სტუდენტს ეხება და წარმოადგენს უკანასკნელ შესაძლებლობას სანამ სამუდამოდ წაიშლებიან სტუდენტთა სიიდან.
