ზოგრაფუ: კაპიუშონიანებმა დიდი ზიანი მიაყენეს უნივერსიტეტის კამპუსს
დღეს ზოგრაფიუს უნივერსიტეტის კამპუსის მიღმა ტერიტორია წააგავს დაბომბილ პეიზაჟს ველური ინციდენტის შემდეგ, რომელიც მოხდა წუხელ, გვიან ღამით ნიღბიან ახალგაზდებსა და პოლიციის ძალებს შორის.
დაჭრილი პოლიციელი, ოთხი დამწვარი მანქანა, ფერფლად ქცეული ნაგვის ურნები, დამტვრეული ნიშნები და ქვებისა და აგურის გროვები არის ის, რაც ახალგაზრდებმა პოლიციელებთან შეტაკების შემდეგ დატოვეს.
ინციდენტი შაბათს, ღამის 2 საათის შემდეგ დაიწყო, როდესაც დაახლოებით 100 კაპიუშონიანი მამაკაცი გამოვიდა უნივერსიტეტიდან და დაიწყო ქვების და ვაზნების სროლა პოლიციისკენ, რომელიც იქვე მორიგეობდა.
ყველაფერი გამწვავდა მას შემდეგ, რაც ახალგაზრდებმა მოლოტოვის კოქტეილები ესროლეს პოლიციის რაზმებს, რომლებმაც მათ წინააღმდეგ ცრემლსადენი გაზი გამოიყენეს.
საათზე მეტი ხნის განმავლობაში, ოლოფ პალმის ქუჩა ჰგავდა ბრძოლის ველს. ახალგაზრდების ჯგუფებმა დამწვარი ურნების ბარიკადები მოაწყვეს და დაუპირისპირდნენ პოლიციას, რომლებიც ცდილობდნენ მათ უკან, უნივერსიტეტის უბნისკენ დაბრუნებას.
ინციდენტების დროს დაშავდა პოლიციელი. აგრესიული ახალგაზრდების ჯგუფმა არ დაინდო გაჩერებული მანქანებიც კი. დაწვეს სამი მანქანა, მათ შორის სასკოლო ავტობუსი.
