Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიემიგრაცია

თანოს პლევრის: ემიგრაციის სფეროში მოქმედი არასამთავრობო ორგანიზაციების რეგისტრაცია კონსტიტუციურია

თანოს პლევრის: ემიგრაციის სფეროში მოქმედი არასამთავრობო ორგანიზაციების რეგისტრაცია კონსტიტუციურია

საბერძნეთის სახელმწიფო საბჭომ (ΣτΕ) დაადგინა, რომ მიგრაციისა და თავშესაფრის სფეროში მოქმედი არასამთავრობო ორგანიზაციების (NGO) საბერძნეთის მიგრაციისა და თავშესაფრის სამინისტროს რეესტრში სავალდებულო რეგისტრაცია კონსტიტუციას არ ეწინააღმდეგება.

სასამართლოს გადაწყვეტილება ეხება სამინისტროს მიერ წარმოებულ ბერძნული და უცხოური არასამთავრობო ორგანიზაციების, ასევე მათი წევრების რეესტრებს. რეგისტრაცია ორგანიზაციებისთვის აუცილებელი პირობაა სამინისტროს სტრუქტურებში საქმიანობისა და სახელმწიფო ან ევროკავშირის დაფინანსების მისაღებად.

ემიგრაციისა და თავშესაფრის მინისტრმა, თანოს პლევრისმა, გადაწყვეტილებას „გამჭვირვალობის, მკაცრი კონტროლისა და ანგარიშვალდებულების სასარგებლო გამარჯვება“ უწოდა. ამასთან, მინისტრმა აღნიშნა, რომ საბოლოო შეფასებისთვის სასამართლოს გადაწყვეტილების სრული ტექსტის გამოქვეყნებას ელოდება.

სახელმწიფო საბჭომ ამავდროულად რამდენიმე კონკრეტული რეგულაცია არაკონსტიტუციურად მიიჩნია. მათ შორისაა დებულება, რომელიც სამინისტროს გენერალურ მდივანს რეგისტრაციის განაცხადის ფართო დისკრეციული საფუძვლით მიღების ან უარყოფის უფლებას აძლევს. ასევე გაუქმდა ორგანიზაციების მიერ მათი დონორებისა და შემომწირველების შესახებ ინფორმაციის ვებგვერდზე ზოგადი წესით გამოქვეყნების მოთხოვნა.

სასამართლომ კონსტიტუციურად მიიჩნია ორგანიზაციების ფინანსური ანგარიშგების აუდიტის ვალდებულება სერტიფიცირებული აუდიტების მიერ, ასევე რეესტრში რეგისტრირებული ორგანიზაციების საქმიანობისა და მათზე დაკისრებული ვალდებულებების კონტროლი.

გარდა ამისა, სახელმწიფო საბჭომ ევროკავშირის სასამართლოსთვის წინასწარი შეკითხვების გაგზავნა გადაწყვიტა. კითხვები ეხება, რამდენად შეესაბამება ევროკავშირის სამართალს ორგანიზაციის რეესტრში რეგისტრაციისთვის მისი ხელმძღვანელებისა და კანონიერი წარმომადგენლების მიმართ სისხლისსამართლებრივი დევნისა და გარკვეული ნასამართლობის არქონის მოთხოვნები.

სასამართლომ ასევე იმსჯელა არასამთავრობო ორგანიზაციების რეესტრის წარმოებისას პერსონალური მონაცემების დამუშავების კანონიერებაზე და ამ საკითხთან დაკავშირებითაც ევროკავშირის სასამართლოსთვის ერთი წინასწარი შეკითხვის გაგზავნა გადაწყვიტა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *