თესალონიკი: დააკავეს ნარკოკარტელის შვიდი წევრი, რომელთაც დიდი ოდენობით კოკაინი გადაჰქონდათ
ერთ-ერთი ყველაზე მნიშვნელოვანი დარტყმა ლათინური ამერიკიდან კოკაინის გადამზიდავ კარტელებზე.
საბერძნეთის პოლიციამ მოახერხა შვიდი ადამიანის დაკავება, რომლებმაც მიიღეს 100 კილოგრამი ნარკოტიკი კონტეინერიდან, სალონიკის პორტში.
ოპერაცია დიავათაში მოხდა, პოლიციამ დააკავა ორი მანქანა, რომლითაც შვიდ ადამიანს დიდი ოდენობით კოკაინი გადაჰქონდა .
ოპერაცია განხორციელდა მას შემდეგ, რაც პოლიციამ მიიღო შეტყობინება თესალონიკის პორტში დიდი რაოდენობით ნარკოტიკული ნივთიერების შემცველი კონტეინერის შესვლის შესახებ.
როგორც გაირკვა, შვიდი დაკავებული – თესალონიკის საზოგადოებისთვის ცნობილი ადამიანები – კოკაინის გადასატანად ნაქირავებ მანქანებს იყენებდნენ.
ასევე აღნიშნულია, რომ სახლებში ჩატარებული ჩხრეკისას 70 000 ევრო ამოიღეს.
აღნიშნული კონტეინერი პორტში ლათინური ამერიკიდან შევიდა, რაც კიდევ ერთხელ ადასტურებს, რომ კარტელებმა შეძლეს ათენისა და თესალონიკის პორტები უპრობლემოდ “გამოეყენებინათ” ნარკოტიკების მიმღებ ბაზად, რომელთა გადატანა ევროპის ქვეყნებში სურდათ.
თუმცა, ამჯერად პოლიციამ, მათ ხელთ არსებული ინფორმაციის გამოყენებით, ჩატარებული სპეცოპერაციის შედეგად შეძლო კოკაინის მიმღებების დაკავება, რითიც დაიწყო ფართომასშტაბიანი გამოძიების ახალი ციკლი ნარკომანიასთან ბრძოლის სფეროში.
