ინფორმაცია საბერძნეთის პრემიერ-მინისტრის ბენიამინ ნეთანიაჰუსთან დახურულ კარს მიღმა შეხვედრის დეტალების შესახებ

გუშინ საბერძნეთის პრემიერ მინისტრი კირიაკოს მიცოტაკისი ისრაელში ჩავიდა. როგორც ოფიციალური წყაროები  აცხადებენ, პრემიერ-მინისტრის ისრაელში ვიზიტს ორმხრივი მიზანი ჰქონდა: საბერძნეთის  სტრატეგიული მოკავშირის მიმართ პრაქტიკული მხარდაჭერა და ამავე დროს იმის ხაზგასმა, რომ უნდა განხორციელდეს ჰუმანიტარული დახმარება და რომ ისრაელის პასუხი უნდა შეესაბამებოდეს ჰამასის დარტყმებს.

თუმცა, საკითხავია, მიიღო თუ არა ბატონმა მიცოტაკისმა მესიჯი, რომ ისრაელელები პრაქტიკაში განახორციელებენ იმას, რასაც საჯაროდ აცხადებენ სახმელეთო ოპერაციის შესახებ. კარგად ინფორმირებული წყაროების თანახმად, ოფიციალურმა ისრაელმა  ბერძნულ მხარეს აცნობა, რომ  ის რაც მოხდა მათი 11 სექტემბერი იყო და ამ კუთხით ჰამასისთვის პასუხი ყოვლისმომცველი უნდა იყოს, იმის გათვალისწინებით, რომ ბატონმა ნეთანიაჰუმ ის ISIS-ს შეადარა. თუმცა, მოვლენების ასეთი განვითარების ოპერატიული დეტალები არ გახმაურებულა.

კომპეტენტურმა წყაროებმა აღნიშნეს, რომ  ბ-მა მიცოტაკისმა განსაკუთრებული ყურადღება გაამახვილა ჰუმანიტარულ მხარეზე, ისრაელის თავდაცვის უფლების აშკარა მხარდაჭერის მიღმა. ფაქტობრივად, პრემიერ-მინისტრმა კონკრეტულად მიუთითა ჰუმანიტარული დერეფნების გახსნის აუცილებლობაზე ღაზაში მშვიდობიანი მოსახლეობის მომარაგებისთვის, რაზეც ბენიამინ ნეთანიაჰუმ თანხმობა განაცხადა. ბოლოს და ბოლოს, არსებობს შეთანხმება შეერთებულ შტატებთანაც, რომ ეგვიპტეში რაფაჰის გავლით ჰუმანიტარული დერეფანი ღია დარჩეს.