ირაკლიო: ავტომანქანა, რომელსაც მძღოლი ნასვამ მდგომარეობაში მართავდა, მოხუცებულს დაეჯახა
ირაკლიო: ავტომანქანა, რომელსაც მძღოლი ნასვამ მდგომარეობაში მართავდა, მოხუცებულს დაეჯახა
კვირას შუადღეს, ირაკლიოში ავტოსაგზაო შემთხვევის შედეგად მოხუცებული ქალი დაშავდა.
Cretapost-ის მიერ გავრცელებული ინფორმაციის თანახმად 85 წლის ქალი ხრისტომიხალი ქსილურის ქუჩის გადაკვეთას ცდილობდა, როდესაც მას ავტომანქანა დაეჯახა. მანქანას 57 წლის მძღოლი ნასვამ მდგომარეობაში მართავდა.
შემთხვევის ადგილზე დაუყოვნებლივ გამოცხადდა სასწრაფო დახმარების ბრიგადა, რომელმაც დაშავებული ირაკლიოს საუნივერსიტეტო კლინიკაში გადაიყვანა.
საგზაო პოლიციამ ავტომანქანის მძღოლის შემოწმებისას დაადგინა, რომ ის ნასვამ მდგომარეობაში მართავდა მანქანას. 57 წლის კაცი განყოფილებაში გადაიყვანეს.
Facebook Comments Box
