Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიკრიმინალი

ირაკლიო: დააკავეს 40 წლის კაცი ადევნების ბრალდებითა და ბავშვთა პორნოგრაფიის შეგროვების ბრალდებით

ირაკლიო: დააკავეს 40 წლის კაცი ადევნების ბრალდებითა და ბავშვთა პორნოგრაფიის შეგროვების ბრალდებით

კუნძულ კრეტაზე, კერძოდ ირაკლიოში 40 წლის კაცი დააკავეს, რომელსაც პოლიცია ქალების ხანგრძლივ თვალთვალსა და მათ სახლებში უკანონო შეჭრაში ადანაშაულებს. დაკავებულის კომპიუტერში სამართალდამცველებმა ასევე აღმოაჩინეს არასრულწლოვანთა პორნოგრაფიის შემცველი 100-ზე მეტი ფაილი.

გამოძიების ინფორმაციით, მამაკაცის სავარაუდო ქმედებები სამ თვეზე მეტხანს, 2026 წლის ივნისიდან, გრძელდებოდა. ის ქალებს ქუჩაში უთვალთვალებდა, სახლამდე მიჰყვებოდა, საცხოვრებელი სახლების ეზოებსა და აივნებზე უკანონოდ შედიოდა და მათ საცხოვრებელ სივრცის გარედან აკვირდებოდა.

ერთ-ერთ შემთხვევაში, 40 წლის კაცმა საძინებლის აივნის კარის გაღება სცადა, მაშინ როდესაც ქალი სახლში იმყოფებოდა.

პოლიციის ყურადღების ცენტრში განსაკუთრებით განმეორებითი შემთხვევები მოექცა. გამოძიების თანახმად, მამაკაცი რამდენჯერმე დაბრუნდა ერთსა და იმავე საცხოვრებელთან და ქალის თვალთვალი განაგრძო. სამართალდამცველებმა ტერიტორიის ფარული მეთვალყურეობა დაიწყეს.

ეჭვმიტანილი 25 სექტემბერს გამთენიისას დააკავეს, დაახლოებით 01:55 საათზე. პოლიციის მიერ გავრცელებული ინფორმაციის თანახმად, ბრალდებული დანაშაულის ადგილზე აიყვანეს. დაკავების დროს წინააღმდეგობა გაუწია ერთ-ერთ თანამშრომელს, რის შედეგადაც პოლიციელმა მარჯვენა ხელზე მსუბუქი დაზიანება მიიღო.

ბრალებულის სახლის ჩხრეკისას, სასამართლო წარმომადგენლის თანდასწრებით, სამართალდამცველებმა ამოიღეს მობილური ტელეფონი, USB მოწყობილობა, კომპიუტერი, ქურთუკი და დანა.

კომპიუტერიდან ციფრული მასალის პირველადი ამოღებისას აღმოაჩინეს არასრულწლოვანთა პორნოგრაფიის შემცველი მასალა. ასევე ვიდეოჩანაწერები, რომლებშიც საცხოვრებელი სახლების შიგნით მყოფი ქალები მათი ნებართვის გარეშე არიან დაფიქსირებულნი.

ამ ეტაპზე გამომძიებლები ამოწმებენ ჩამორთმეულ კომპიუტერს, USB მოწყობილობასა და მობილურ ტელეფონს, რათა დაადგინონ მასალის ზუსტი წარმომავლობა.

40 წლის კაცის წინააღმდეგ საქმე აღიძრა პოლიციელისთვის წინააღმდეგობის გაწევის, სხეულის დაზიანების, მუქარის, საცხოვრებლის ხელშეუხებლობის დარღვევის, სექსუალური ღირსების ხელყოფის, არასრულწლოვანთა პორნოგრაფიისა და პერსონალურ მონაცემთა დაცვის კანონმდებლობის დარღვევის მუხლებით.

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *