ირაკლიო: ელევთერია იაკუმაკი გარდაცვლილი იპოვეს
ირაკლიო: ელევთერია იაკუმაკი გარდაცვლილი იპოვეს
ირაკლიოში გაუჩინარებული ელევთერია იაკუმაკის ცხედარი საკუთარი მანქანის უკანა სავარძელზე იპოვეს. სამართალდამცავმა ორგანოებმა მანქანა აღია ვარვარას რეგიონში დააფიქსირეს. ქალს თავის არეში აქვს მიყენებული ტრავმა ცეცხლსასროლი იარაღით. აღსანიშნავია, რომ პოლიციას იარაღი არ უპოვია, რაც გამორიცხავს თვითმკვლელობის შესაძლებლობას.
43 წლის ქალის ცხედარი გადაიტანეს ექსპერტიზაზე.
შეგახსენებთ, რომ გაუჩინარებიდან რამდენიმე საათში ელევთერია იაკუმაკის მობილურმა ტელეფონმა მის შვილებს, რომლებიც მასთან დაკავშირებას ცდილობდნენ, ავტომატური შეტყობინება გაუგზავნა, რომელშიც ეწერა: „მოგვიანებით დაგირეკავთ“. აღნიშნული შეტყობინება იგზავნება მაშინ, როდესაც ტელეფონის მფლობელი შემომავალ ზარს თიშავს.
გარდაცვლილი იპოვეს ელევთერიას ყოფილი პარტნიორიც, რომელიც პანაგია კარდიოტისას ტაძრის ეზოს კლდიდან გადახდა და თავი მოიკლა.
