ირაკლიო: პრესისთვის ცნობილი ხდება 40 წლის კაცის მკვლელობის დეტალები
ირაკლიო: პრესისთვის ცნობილი ხდება 40 წლის კაცის მკვლელობის დეტალები
შოკის მომგვრელია 40 წლის კაცის მკვლელობის ამბავი, რომლის ცხედარიც ოთხშაბათს საღამოს კამინიაში მდებარე მიტოვებულ შენობაში იპოვეს.
ცხედარს განსაკუთრებით ქვედა კიდურების ნაწილში აღენიშნებოდა ძლიერი სისხლდენის კვალი. ექსპერტიზის შედეგად კი დადგინდა, რომ კაცს ჭრილობები ბასრი იარაღით, სავარაუდოდ დანით მიაყენეს.
პირველად შედეგებზე დაყრდნობით ექსპერტიზა აცხადებს, რომ კაცს სულ მცირე 2 სასიკვდილო ჭრილობა აქვს მიყენებული. ივარაუდება, რომ კაცი სამშაბათს ღამით მოკლეს. მისი ცხედარი კი იმ ადამიანებმა იპოვეს შემთხვევით, რომლებიც მას პერიოდულად საკვები და საყოფაცხოვრებო ნივთებით ეხმარებოდნენ.
წინასაგამოძიებო კვლევების შედეგად დადგენილია ეჭვმიტანილის ვინაობაც. საუბარია 37 წლის კაცზე, რომელიც 10 თებერვალს საღამოს საათებში 40 წლის კაცთან ერთად იმყოფებოდა მკვლელობის ადგილზე. კაცებს შელაპარაკება მოუვიდათ, რის შედეგადაც ბასრი იარაღით ბრალდებულმა მსხვერპლს ჭრილობები მიაყენა და ადგილიდან მიიმალა. შემთხვევის ადგილზე კიდევ 2 ადამიანი იმყოფებოდა, რომლებმაც დახმარების აღმოჩენის გარეშე მიატოვეს 40 წლის კაცი.
ბრალდებულმა დანაშაული აღიარა დაკითხვაზე, დეტალურად მოუყვა გამომძიებელს სამშაბათს საღამოს მომხდარი შელაპარაკების შესახებ, თუმცა ჩხუბის დაწყების მიზეზზე არ უსაუბრია.
