იღუმენიცა: მამის მაღაზიის წინ დალია სული 11 წლის ბიჭმა, რომელსაც ავტომანქანა დაეჯახა
იღუმენიცა: მამის მაღაზიის წინ დალია სული 11 წლის ბიჭმა, რომელსაც ავტომანქანა დაეჯახა
სულის შემძვრელია 11 წლის ბიჭის გარდაცვალების საქმის დეტალები, რომლის სიცოცხლეც ავტოსაგზაო შემთხვევამ იმსხვერპლა.
ტელემაუწყებელი STAR-ის მიერ გავრცელებული ინფორმაციის თანახმად უბედური შემთხვევა გარდაცვლილის მამის მაღაზიის წინ მოხდა, მისი დედის თვალწინ.
დედამ 11 წლის ბიჭს ნება დართო გზა დამოუკიდებლად გადაეკვეთა და სწორედ ამ დროს მოხდა საბედისწერო შეჯახებაც.
“ყოველდღე გადადის ბავშვი ამ გზიდან. მუხრუჭების ხმაც კი არ გამიგია, მხოლოდ დედის ყვირილის ხმა შემომესმა. ყვიროდა: “ჩემი შვილი.” – აცხადებენ თვითმხილველები.
უბედურ შემთხვევამდე ბავშვმა დედამისს დაურეკა და სთხოვა მისი სკოლიდან წამოყვანა, რადგან თავს კარგად არ გრძნობდა. დედამ ბიჭუნა მაღაზიამდე მიიყვანა.
“ბავშვი უეცრად გამოჩნდა გზაზე, ელ.სკუტერით. არ ვიცი როგორ მოხდა…” – აცხადებს 58 წლის ქალი, რომელიც მანქანას მართავდა.
“ბავშვის გადარჩენას მთელი დეპარტამენტი ცდილობდა. მძიმე დაზიანებები გქონდა მიყენებული თავის არეში, ფილტვებზე, მკერდის არეში. როგორც დედა ისე ვგრძნობთ ოჯახის ტკივილს და მწუხარებას.” – განაცხადა ბიჭის ექიმმა, ელენი ნიკოლაიდუმ.
პოლიციამ ამოიღო ვიდეო ჩანაწერი, რომელშიც ჩანს, რომ ქალმა, რომელიც ავტომანქანას მართავდა, ბიჭის დანახვისას ჯერ დაამუხრუჭა, შემდეგ კი გამოძიებისთვის უცნობ მიზეზთა გამო სიჩქარეს უმატა.
