კატერინი: პოლიციელები ველოსიპედებით გამოჩდნენ
კატერინი: პოლიციელები ველოსიპედებით გამოჩდნენ
საბერძნეთის ქალაქ კატერინის სანაპირო ზონაში ველოსიპედიანი პოლიციელები ზაფხულის სეზონისთვის პატრულირებას კვლავ შეუდგნენ. ინიციატივის მიზანია უსაფრთხოების გაძლიერება, პოლიციის უფრო თვალსაჩინო ყოფნა და მოქალაქეებისა და ტურისტების სწრაფი მომსახურება.
პატრულირება 2026 წლის 1 ივნისს დაიწყო და მთელი ზაფხულის განმავლობაში გაგრძელდება. პოლიციელები დილიდან გვიან საღამომდე იმოძრავებენ სანაპირო ტერიტორიაზე, რათა სწრაფად მოახდინონ რეაგირება მცირე სამართალდარღვევებსა და სხვადასხვა ინციდენტზე.
საბერძნეთის პოლიციის ინფორმაციით, ველოსიპედიანი პატრულების მთავარი ამოცანა ტურისტებისა და ვიზიტორების დახმარება, მათთვის საჭირო ინფორმაციისა და მიმართულებების მიწოდება, სხვა სამსახურებთან თანამშრომლობა ტურისტული ხასიათის პრობლემების გადასაჭრელად და საზოგადოებრივი წესრიგის ეფექტიანი დაცვაა.
პროგრამა მიზნად ისახავს როგორც უსაფრთხოების დონის ამაღლებას, ისე ტურისტებისთვის უფრო კომფორტული და მეგობრული გარემოს შექმნას, განსაკუთრებით ზაფხულის პერიოდში, როდესაც სანაპირო ზონებში დამსვენებელთა რაოდენობა მნიშვნელოვნად იზრდება.
