საბერძნეთი- 10 წლის ბავშვის გატაცების მცდელობა
განგაში გამოცხადდა დღეს პტოლემაიდაში, სადაც დაწყებითი სკოლის მოსწავლის, 10 წლის ბავშვის გატაცების მცდელობას ჰქონდა ადგილი.
როგორც ბავშვის მამა აცხადებს, 10 წლის ბიჭი მეგობრებთან ერთად ბრუნდებოდა სკოლიდან სახლში.
რაღაც მომენტში მისმა მეგობრებმა სხვა მიმართულებით გადაუხვიეს და ბავშვმა მარტომ განაგრძო გზა.
ამ დროს მას უკნიდან მიუახლოვდა ნისანის მარკის ძველი ავტომობილი.
მძღოლმა მამაკაცმა ფანჯარა ჩამოწია და ბავშვს მანქანაში ჩაჯდომა სთხოვა, რათა სახლში წაეყვანა.
შეშინებული ბავშვი ყვირილით გაიქცა საპირისპირო მიმართულებით და გაეცალა მანქანას.
მანქანის მძღოლი სასწრაფოდ გაუჩინარდა შემთხვევის ადგილიდან.
ბავშვის აღწერილობით უცნობი მამაკაცი საუბრობდა ბერძნულად, იყო დაახლოებით 40- 45წლის და ჰქონდა თეთრი თმა.
მშობლებმა დაუყოვნებლივ შეატყობინეს მომხდარის შესახებ სკოლას, ხოლო სკოლამ თავის მხრივ პოლიციას.
იხილეთ მეტი:
საბერძნეთი: თხუთმეტი წლის მოსწავლე ექვსი მეტრის სიმაღლიდან ჩამოვარდა
