კეფალონია: ჩემი შვილი შეაცდინეს, ნარკოტიკებთან არანაირი შეხება არ ჰქონია – აცხადებს 19 წლის მირტოს მამა

კეფალონია: ჩემი შვილი შეაცდინეს, ნარკოტიკებთან არანაირი შეხება არ ჰქონია – აცხადებს 19 წლის მირტოს მამა

შეძრულია არამხოლოდ 19 წლის მირტოს ოჯახი, არამედ სრულიად კეფალონიას მოსახლეობა 14 აპრილის დილის შემდეგ, როცა გოგონა არღოსტოლის ცენტრალურ მოედანზე უგონო მდგომარეობაში იპოვეს. ექიმებმა მირტოს გადარჩენა ვერ შეძლეს. 

გარდაცვლილის მამამ ტელემაუწყებელ ΑΝΤ1-სთან ისაუბრა და განაცხადა, რომ მისი შვილი ძალიან მშვიდი და წესიერი ბავშვი იყო და არანაირი შეხება არ ჰქონია ნარკოტიკებთან. გოგონას ოჯახის წევრებს სჯერათ, რომ ის მისმა მეგობრებმა შეაცდინეს, ან აიძულეს ნარკოტიკული ნივთიერების მოხმარება და ითხოვენ გამოძიების შედეგად დადგინდეს ყველა დამნაშავის ვინაობა: “მირტო არ იყო ასეთი ბავშვი.. შეიძლება შეაცდინეს, აიძულეს, ჩუმად რამე ჩაუყარეს სასმელში. ამ ყველაფერს გამოძიება დაადგენს. როცა სასწრაფო დახმარების ბრიგადა ადგილზე მივიდა გონზე იყო, 2 წუთის შემდეგ გარადიცვალა. ღამის სამ საათზე დააგდეს ქუჩაში და ხუთ საათამდე მარტო იყო, ტროტუარზე ეგდო და სიცოცხლისთვის იბრძოდა. ძაღლსაც არ დატოვებდნენ ესე.. ჩემი არსებობა ჩემი შვილის გარდაცვალებით დასრულდა.. დავამთავრე. ჩემი გოგონა, ჩემი პატარა, ჩემი ანგელოზი, შეეძლო მის მსოფლიო გამხდარიყო, მაგრამ კეფალონიაში დავიტოვე.. არ მინდოდა ათენში წასულიყო.. არ მინდოდა ჩაებარებინა ეროვნულები და წასულიყო ათენში, რომ არ დემკარგა. ამდენი დანაშაულით, ამდენი საფრთხით ქუჩაში, შეშინებული ვიყავი, აქ დავიტოვე და მაინც ვერ ავარიდე საფრთხე.. შვილი მომიკლეს..”