კვიპროსი: კაცმა მეუღლეს ცეცხლსასროლი იარაღით ჭრილობები მიაყენა

კვიპროსი: კაცმა მეუღლეს ცეცხლსასროლი იარაღით ჭრილობები მიაყენა

კვიპროსზე, კერძოდ ლემესოში, დღეს დილით 55 წლის პოლიციელმა საკუთარ მეუღლეს, 46 წლის ქალს ცეცხლსასროლი იარაღით ჭრილობა მიაყენა. დაშავებული ქალი საავადმყოფოში გადაიყვანეს, ის ამ დრომდე რეანიმაციაშია განთავსებული და ექიმები აცხადებენ, რომ მისი მდგომარეობა კრიტიკულია. 

გავრცელებული ინფორმაციის თანახმად დაშავებული 55 წლის კაცის მეორე პარტნიორია. 

დაკავებულს 4 შვილი ჰყავს 2 პირველი ქორწინებიდან, ხოლო 2 კი მისი ამჟამინდელი მსხვერპლისგან. 

წყვილის ერთ-ერთი შვილი საზღვარგარეთ სწავლობს, ხოლო მეორე კი არასრულწლოვანია და ოჯახთან ერთად კვიპროსზე ცხოვრობდა. 

გავრცელებული ინფორმაციის თანახმად კაცი ცოლს სამსახურისკენ მიმავალ გზაზე, სკოლის წინ დახვდა. 

სროლას გამვლელიც შეესწრო, რომელსაც კაცი დაემუქრა და მოსთხოვა არ დახმარებოდა მის დაჭრილ მეუღლეს.