კვიპროსი: ლემესოში ავტომანქანა ველოსიპედისტს დაეჯახა – ველოსიპედისტი ადგილზე დაიღუპა, ავტომანქანის მძღოლი ადგილიდან მიიმალა

კვიპროსი: ლემესოში ავტომანქანა ველოსიპედისტს დაეჯახა – ველოსიპედისტი ადგილზე დაიღუპა, ავტომანქანის მძღოლი ადგილიდან მიიმალა
სამშაბათს დილით ლემესოში ავტომანქანა დაეჯახა ველოსიპედისტს. ავტომანქანის მძღოლმა ველოსიპედისტი ადგილზე უმწეო მდგომარეობაში დაშავებული ქუჩაში მიატოვა და ადგილიდან მიიმალა.
ველოსიპედისტი ადგილზევე დაიღუპა.
გავრცელებული ინფორმაციის თანახმად ქუჩაში უგონო მდგომარეობაში გამვლელებმა იპოვეს და დაუყოვნებლივ შეატყობინეს სასწრაფო დახმარების ბრიგადას. სასწრაფო დახმარების ბრიგადა ადგილზე გამოძახებისთანავე მივიდა, თუმცა დაშავებულისთვის ყოველგვარი სამედიცინო დახმარების გაწევა უკვე დაგვიანებული იყო.
ლემესოს საგზაო პოლიციის უფროსმა, მარიოს ხარალამბუსმა განაცხადა, რომ მსხვერპლი არის აზიური წარმოშობის მამაკაცი, რომლის იდენტიფიცირებაც ამ დრომდე არ მომხდარა. “მიმდინარეობს გამოძიება გარდაცვლილის ვინაობის დასადგენად და ასევე მძღოლის იდენტიფიცირებისთვის, რომელიც ადგილიდან მიიმალა.”